E fundit!

22:46 Aktualitet

Deklarata e Paunoviç/ Sveçla: Nuk është personale, reflekton qëndrim të Serbisë

Ministri i Brendshëm në Kosovë, Xhelal Sveçla ka folur mbr...

“Sinqerisht mos ardhtë më ky vit”/ Manjani i zhgënjyer nga 2019: Mësuam se e keqja nuk ka fund

25 Dhjetor 2019, 15:53, Politikë CNA

Ish ministri i Drejtësisë,Ylli Manjani thotë se 2019 ishte një vit i vështirë pasi sipas tij, bëmë hapa të dukshme pas në drejtim të funksionimit të shtetit, demokracisë dhe shoqërisë në tërësi.

?Kjo e fundit u përça dhe u varfërua më shumë sesa një vit më parë. Polarizimi ekonomik dhe social u theksua më shumë.
Në këto kushte shoqëria shqiptare u vu para sprovash të forta. I kërkohej të mbronte demokracinë përpara një shteti gjithnjë e më represiv. Para një shteti që të nxjerr nga shtëpia me gaz lotsjellës dhe, që nuk të vlerëson as më njeri e jo më për qytetar me të drejta kushtetuese.
Kjo e fundit, pra Kushtetuta, nuk sundon më. Këtë vit mësuam haptazi se si sundon bosi dhe jo ligji, se si ligji u zëvendësua me dëshirën e bosit?, shkruan Manjani.

Sipas tij, Bulevardi i Tiranës nuk ka parë kurrë më parë aq shumë protestues e protesta sesa këtë vit.

?U protestua në bulevard por edhe tek unaza. U protestua nën dhunën e pashembullt të policisë e cila tregoi fytyrën më të egër të mundshme. Sjellja e saj krejt joproporcionale ishte më e keqja e këtyre viteve të fundit.
Parlamenti humbi pluralizmin përherë të parë pas 30 viteve dhe pushteti lokal u pushtua nga partia e vetme që sundon.
Shteti dhe institucionet e tij janë të gjitha në dorën e një klike moniste që sundon.
Kjo është kriza më e thellë e demokracisë që kemi parë ndonjëherë. Një krizë disi e “bekuar” nga burrokratë e zyrtarucë të huaj që na neveritën hapur vlerat e shoqërisë perëndimore që ishim mësuar ta shohim si perëndi. Raporti i ODHR vuri disa pika mbi i, por që u harruan nga skandale të përjavshme të qeverisë, skandale të cilat shërbyen më së shumti për të harruar të mëparshmet.
Në fakt dështimi më i rëndë yni ishte humbja e rrugës Europiane. Dështuam të bindim gati gjysmën e shteteve të BE që e kemi seriozisht rrugëtimin europian?, shkruan më tej Manjani.

Më tej ai thotë se për herë të parë zyrtarisht ndaj nesh u ngrit procedurë zyrtare për të na pezulluar edhe arritjen më të madhe të viteve më parë, Lëvizjen e lirë në BE.

?Shpresa është afër zeros! Besimi që Shqipëria ka të ardhme thuajse ka humbur. Vendi po merr pamjen e një azili të madh dhe qytetesh-konvikt me shumë kate. Shumë prej nesh po shohin sistemin komunist si më të mirë nga ky i sotmi.
Si mund të mallkohet më shumë se kaq një shoqëri!!!
Para e madhe është vërdallë, por paraja shkon vetëm te paraja. Ai që skishte këtë vit nuk pati akoma më shumë. Ai që kishte këtë vit vuri më shumë.
Populli paguan taksa e tarifa të rritura për shërbime, shumë më shtrenjtë se një vit më parë.
Demokracia mori goditje fatale me humbjen e pluralizmit politik, me votimet moniste dhe me represionin ndaj fjalës së lirë. Shqiptarëve iu hoq hapur e drejta për të zgjedhur dhe së fundi edhe liria për t’u shprehur.
Politika në humbi ndjeshëm besimin e publikut. Ky i fundit i keqqeverisur, i grabitur e i mashtruar preferoi që ta shohë politikën thjesht si lajm, jo si shpresë për ndryshim.
Prona dhe të drejta të tjera themelore u shkelën këtë vit si kurrë më parë, nga shteti me “policinë që duam”. Ndalime, arrestime e goditje njerëzish pa ligj e pa prova, por thjesht të nxitura nga porosia apo urdhëri politik i pamë më shumicë. Natën, ditën, në shtëpi, në rrugë e kudo njerëzit humbën sigurinë ligjore shumë më shumë se viti paraardhës?, shkruan mes të tjerash Manjani.

Ish ministri nuk ka ënë pa kujtuar edhe tërmetin i cili së fundmi tronditi vendin.

?O zot bëje mirë, por humbën dhe jetë njerëzish që jetonin në godina të pa banueshme. Shteti ishte askund, as para e as pas tërmetit. Një fatkeqësi natyrore që nxori në dritë të diellit se sa keq qeverisemi dhe se sa pa shtet jemi!
E kështu me radhë, stres pa fund kaluam këtë vit, sipas paradigmës “skeni parë gjë akoma”! E vetmja që u vërtetua katërcipërisht!
Një vit nga jeta jonë iku nën këtë stres kaotik të përhershëm, vetëm për shkak të faktit se politika është e çmendur përveç veseve të vjetra që i ka patur…
Teatri dhe shoë i qelbur i politikës prodhoi vetëm stres.
Shoë më i qelbur ishte minischengeni. Shoë që fyu rëndë shqiptarët në histori dhe në inteligjenë. Sinqerisht mos ardhtë më ky vit!
Gëzuar ditën e lindjes së Krishtit dhe urimet më të mira për vitin e ri?, përfundon Manjani./CNA.al