web counter
LEXO PA REKLAMA!

SHKARKO APP

App Store
Google Play

E fundit!

x

Në prag Krishtlindje/ Arqipeshkvi i Shkodrës ndan mesazhin e tij për Shqipërinë

24 Dhjetor 2019, 10:30, Sociale CNA

Në prag të festës së Krishtlindjes, Arqipeshkvi i Dioqezës së Shkodrës, Pult imzot Angelo Massafra, ka shprehur mesazhin e tij për këtë feste duke u ndalur te ngjarjet që kanë ndodhur në Shqipëri, më në fokus tërmetin tragjik dhe pasojat e tij.

Tërmeti e ka zbehur gëzimin e këtyre festave thotë Arqipeshkvi, mirëpo kurrësesi nuk ka shuar shpresën. Duke vlerësuar solidaritetin e popullit, Arqipeshkvi nuk ka lënë pa përmendur edhe aktet politike që burojnë nga ?interesa personale? në situatën aktuale në vend, gjë që nuk tregon dashuri për Atdheun dhe drejtimin e vendit. Mirëpo, kjo rrëmujë shoqërore mund të favorizojë disa persona që të bëhën më të fortë në mënyrë që mbase një ditë, të marrin në dorë drejtimin e vendit dhe ta bëjnë këtë me dashuri dhe nder.

Qëllimi i mesazhit të Arqipeshkvit Massafra nuk është vetëm urimi, por edhe një nxitje që secili të nxjerrë në pah vullnet për të bërë vepra të mira, pasi çdokush mund të luaje një rol pozitiv në botë si mund të kontribuojë aktivisht për të rindërtuar Shqipërinë, duke qenë të bashkuar.

?Gëzo o qiell, galdo o tokë, sepse Zoti po e ngushllon popullin e vet?

“Të dashur besimtarë,

Mesazhi që këtë vit dëshiroj t?ju drejtoj me rastin e Krishtlindjes dhe të Vitit të Ri kushtëzohet prej ngjarjeve që kanë ndodhur në Shqipëri, në veçanti prej tërmetit të tmerrshëm që shkaktoi jo pak viktima e la pas plage e brishtësi për shoqerinë shqiptare. Megjithatë, edhe pse ka zbehur gëzimin e këtyre festave, nuk kaaq fuqi sa ta vrasë shpresën tonë. Le të mikpresim nxitjen e Palit apostull që të mos jemi të trishtuar si ata që nuk kanë shpresë.

Si bashkësi katolike e dioqezës, jemi duke reflektuar gjatë këtij viti mbi rëndësinë që ka të jetuarit në Krishtin, të shoqëruar nga slogani paulin: ?Që në Emër të Jezusit të përkulet çdo gjui atyre që janë në qiell, në tokë e në nëntokë?.

Të jetosh në Krishtin do të thotë të kesh ?po ato ndjenja që ishin në Krishtin Jezus? domethënë: vetëdije për marrëdhënien birnore që na lidh me Hyjin Atin tonë; vlerësim i vetes si krijesa dhe si rrjedhojë në marrëdhënie me të ngjashmit tanë dhe me krejt krijimin.

Të gjithë i shohim gjestet e solidaritetit, që populli ynë ka bërë gjatë tërmetit të fundit, krahas solidaritetit që kemi marrë prej shumë Shteteve të tjera. Por njëkohësisht të gjithë i shohim edhe gjërat negative qëpo ndodhin ne Vendin tone. Megjithatë, Kush e di nëse katastrofa natyrore që na ka goditur një muaj më përpara nuk mund të shërbejë si ?shkundje?, me qëllim që Shqipëria jonë t?i hapet një kohë ku interesi për të mirën e përbashkët të bëhet më i madh se ai për të mirën private, ku strukturat që janë krijuar për mbrojtjen e jetës të funksionojnë në mënyrë efikase dhe ku formimi i punonjësve, i teknikëve dhe i vullnetarëve në raste emergjencash të merret seriozisht?

Kush e di nëse gjithë kjo rrëmujë shoqërore që jemi duke përjetuar në këtë moment nuk favorizon formimin dhe specializimin në artin e politikës të personave pa interesa personale, por me një dashuri të madhe për Atdheun, të gatshëm për t?u vënë në drejtimin e Vendit?

Kush e di nëse largimi nga Vendi i shumë të rinjve dhe i shumë familjeje nuk është një rast për ata që qëndrojnë që ta rishikojnë gjendjen aktuale tëvendit dhe ndërgjegjet t?i hapen një bashkëpunimi faktik mes qytetarëve dhe Shtetit për të përmirësuar realitetin ekzistues, duke ndalur këtë fluks që shprehimisht është duke varfëruar tokën tonë prej atyre energjive të reja dhe jetësore për të cilat ajo ka nevojë?

Hyji mund ta bëjë një gjë të tillë, por jo pa përgjigjen pozitive të bijve të vet. Qysh prej momentit të parë kur njeriu u shfaq në tokë, siç na thotë Shkrimi i shenjtë, Hyji ia besoi njeriut detyrën e mbarështuesit të saj një detyrë prej të cilës askush nuk mund të ndihet i lënë jashtë apo i përjashtuar. Aq më pak, ne të krishterët!

Nuk ekziston asnjë kategori personash që nuk mund të japë kontributin e vet: secili për sa i takon dhe sipas mundësive të veta mund dhe duhet të ndihet bashkëpërgjegjës në mbarëvajtjen e Vendit; si fillim duhet të ndryshohen të gjithë ato qëndrime që e pengojnë Shtetit që të bëjë detyrën e vet: para së gjithash inati ndaj institucioneve, pastaj mendësia mafioze e shit-blerjes së favoreve, pasi një favor që më bëhet mua është një akt padrejtësie që i bëhet dikujt tjetër: me fjalë të tjera, është ajo që quhet ?korrupsion?.Për këtë arsye, i ftoj të gjithë të krishterët që ta vlerësojnë këtë angazhim si një akt të vërtetë kulti kushtuar Hyjit.

Urimi im nuk është thjesht një urim në kuptimin klasik të fjalës, por ai dëshiron të jetë edhe një nxitje e fortë drejtuar çdo personi vullnet mirë, me qëllim që Krishtlindja të sjellë ndryshime të vërteta dhe thelbësore: përndryshe, do të ishte një rast i humbur, një gënjim që i bëjmë vetes që, të verbuar prej dritave dhe ngjyrave të festës, nuk do të jemi të aftë të shohim praninë e Hyjit që na do, që do të mirën tonë dhe që na fton për ta bërë të mirën.

Jezu Krishti, Hyji-me-ne, e bekoftë këtë tokë,i dhëntë asaj paqe e qetësi; i shëroftë të sëmurët tanë dhe zemrat e plagosura prej tragjedisë; pastë mëshirë për të vdekurit; qoftë udhëheqësi i mendjeve tona, zjarri që ndez zemrat tona, veçanërishttë atyre të rinjve që, të pashpresë, po kërkojnë diku tjetër realizimin e tyre; ne menyre qe te dashuruar me shume me Vendin tone te qëndrojnë këtu me qëllim që Shqipëria jonë e bukur të rindërtohet me bashkëpunimin dhe dashurinë e të gjithëve

Ju uroj Përshumëvjet Krishtlindjen 2019 dhe Gëzuar Vitin e Ri 2020 katolikeve, ortodokseve, te krishtereve dhe njerzve vullnetmirë./CNA.al





Lajmet e fundit nga