E fundit!

09:24 Kronika

Pjesë e grupeve kriminale/ Pritet ekstradimi i 6 personave të kapur në Dubai

Pritet të ekstradohen sot në Shqipëri 6 shtetasit e kapur ...

10-vjeçari dëmtohet nga tërmeti/ Vizitë në spital futbollistët e kombëtares

21 Dhjetor 2019, 13:35, Sociale CNA

Dy futbollistët e Kombëtares Bekim Balaj dhe Odise Roshi kanë vizituar në spital një vogëlush 10-vjeçar i cili ka mbetur i lënduar nga tërmeti i nëntorit, ku veç kurajës i kanë dhënë edhe dhurata.

10-vjeçari Santi Vata, mbeti i lënduar nga tërmeti i 26 nëntorit dhe aktualisht është i shtruar në spitalin e traumës. Për t?i rregulluar humorin vogëlushit që është një tifoz i madh i futbollit, dy futbollistët e kombëtares Bekim Balaj dhe Odise Roshi e kanë vizituar në spital.

Balaj dhe Roshi i kanë dhuruar tifozit të vogël një top dhe një fanelë të kombëtares me emrin e vogëlushit me numrin 10, me firmat e tyre.

Dy futbollistët e kombëtares iu dhanë kurajë vogëlushëve dhe u shprehen gjithashtu se jo vetëm ata të dy por edhe kolegët e tyre janë të gjithë të angazhuar për të ndihmuar në mënyrë që të rikuperohen disa nga dëmët që shkaktoi tërmeti i 26 nëntorit.

?Jemi përfshirë në mënyrë aktive që nga dita e parë si futbollistë të kombëtares, sëbashku edhe më shumë familjarë, miq por edhe kolegët tanë futbollistë të kombësive të ndryshme në klubet ku jemi angazhuar, që të ndihmojmë në këtë fatkeqsi?, tha Bekim Balaj.

?Dëshira është për të ndihmuar sadopak njerëzit tanë në këtë moment të vështirë. Fëmijët janë më të rëndësishmit për ne. Jam i prekur sepse sot takuam Santin, këtë vogëlush-tifoz të zjarrtë të kombëtares. Do ndihesha shumë i lumtur nëse kemi mundur të sjellim sadopak kënaqësi e buzëqeshje te Santi?, tha ndër të tjera Odise Roshi.

Ky takim vjen në vazhdën e disa festave dhe takimeve që Federata e Futbollit ka organizuar këtë fundvit me fëmijët e familjeve të prekura nga tërmeti, fillimisht në Kavajë e më pas në Pezë./CNA.al