web counter
LEXO PA REKLAMA!

SHKARKO APP

App Store
Google Play

Rritet numri i divorceve/ Çiftet shqiptare “pushtojnë” gjykatat

22 Dhjetor 2019, 18:07, Sociale CNA

Rritet numri i divorceve të çifteve shqiptarë të cilët poi drejtohen masivisht gjykatave.
Sipas INSTAT nga të paktën 4846 çifte shqiptare gjatë vitit 2018. Një rritje prej rreth 400 divorcesh krahasuar me 2017-ën.

Faktin që rreth 80% e numrit të kërkesave për zgjidhje martese në Gjykatë regjistrohen nga gratë, sociologu Gëzim Tushi e konsideron një shenjë emancipimi.

?Divorci për martesat që nuk funksionojnë as shpirtërisht as seksualisht, as nga funksioni i familjes është një zgjidhje. Femrat e sotme nuk janë femrat e djeshme. Nuk janë ato që janë të vendosura brenda kuadratit të shtëpisë dhe janë nën tutelën dhe pushtetin e burrit, i cili mund të vendosë për gjithçka?.

Rritjen e numrit të divorceve, sociologu e lexon edhe si një zhvlerësim të institucionit të martesës.

?Një pjesë e madhe e martesave pësojnë divorc sepse lidhjet janë të paqëndrueshme, janë të sipërfaqshme, apo bëhen nën tundimin e seksualitetit. Një nga arsyet kryesore është dhuna, është edhe mungesa e qëndrueshmërisë seksuale brenda martesës ose asaj që quhet besnikëri. Të gjitha këto bëjnë që të rritet numri i divorceve për shkak të konflikteve për shkak të rivaliteteve brenda martesës, për shkak se nuk ndërtohet në mënyrë partneriale?.

Efektet sociale që krijon rritja e numrit të divorceve kanë nisur të ndjehen në shoqëri.

?Divorcet po rrisin numrin e jetimëve social, po shtohet numri i gjyshërve që po bëjnë rolin e prindit, merren me nipërit e mbesat për shkak se prindërit janë ndarë dhe bëjnë takime rastësore me fëmijët e tyre. Një pjesë e grave që divorcohen bien në varfëri sepse nuk janë të punësuara?.

Sipas përllogaritjeve nga të dhënat e INSTAT, numri i divorceve gjatë dy dekadave të fundit pothuajse është dyfishuar.





Lajmet e fundit nga