web counter
LEXO PA REKLAMA!

SHKARKO APP

App Store
Google Play

E fundit!

x

INSTAT publikon të dhënat ekonomike/ Rritjet dhe rëniet për 2019

24 Dhjetor 2019, 11:05, Ekonomi CNA

Instituti i Statistikave ka bërë sot publike statistikat në degët kryesore të ekonomisë në vend, për tremujorin e tretë të 2019, duke bërë krahasimin me tremujorin e tretë të 2018. Sipas INSTAT, Produkti i Brendshëm Bruto në tremujorin e tretë të vitit 2019 vlerësohet me rritje prej 3,81 %, kundrejt tremujorit të tretë të vitit 2018.

Degët kryesore të ekonomisë për tremujorin e tretë të vitit 2019, krahasuar me tremujorin e tretë të vitit 2018, me rritjet dhe rënie e tyre, renditen si më poshtë:

Rritje

Aktiviteti i Bujqësisë, Pyjeve dhe Peshkimit pati një rritje me 0,87 %. Aktiviteti i Industrisë, Energjisë dhe Ujit pati një rritje me 5,85 %. Ndikimin kryesor në këtë rritje e ka dhënë Industria nxjerrëse e cila ka shënuar një rritje me 16,56 %.

Grupi i Aktiviteteve profesionale dhe Shërbime administrative u shfaq me një rritje prej 9,49 %.

Grupi i aktiviteteve të Administratës Publike, Arsimit dhe Shëndetësisë pësoi rritje 6,44 %.  Ndërsa Taksat Neto mbi produktet u rritën me 4,53 %.

Aktiviteti Financiar dhe i Sigurimit ka shënuar një rritje prej 12,07 %. Aktiviteti i Pasurive të Paluajtshme ka shënuar një rritje prej 5,18 %.

Rënie

Aktiviteti i Ndërtimit pati rënie me 1,14 %, i ndikuar kryesisht nga kompanitë e lidhura me projektin TAP.

Grupi i aktiviteteve Tregti,Transport, Akomodim dhe Shërbim ushqimor pati një rritje prej 6,69 %, i ndikuar kryesisht nga Tregtia me shumicë, e cila shënoi rritje me 6,25 %.

Grupi i aktiviteteve Arte, argëtim dhe çlodhje, Aktivitete të tjera shërbimi pati një rënie të ndjeshme me 24,02 %.

Grupi i aktiviteteve Informacioni dhe Komunikacioni pati rënie në masën 0,73 %. /CNA.al





Lajmet e fundit nga