web counter
LEXO PA REKLAMA!

SHKARKO APP

App Store
Google Play

E fundit!

x

“Kushtetuta nuk është një copë letre”/ Meta bën thirrje për një politikë demokratike

20 Dhjetor 2019, 10:24, Politikë CNA

Presidenti Ilir Meta në një prononcim për shtypin ka folur më tej mbi problematikën e rritjes së numrit të shqiptarëve që largohen nga vendi. Meta nuk la pa komentuar edhe çështje të tjera politike që janë sot aktuale në vend.

Në lidhje me largimin e shqiptarëve nga atdheu i tyre, Presidenti u shpreh se duhet të reflektohet për një politikë të re demokratike që do u kthejë njerëzve besimin se mund të jenë të sigurt tek shteti i tyre.

?Politika duhet të reflektojnë por edhe shqiptarët pasi mund të ikin në të gjithë botën për më mirë, por do të humbasin përgjithmonë atdheun e tyre. Ku fund viti bashkë me tërmetin na mësoi se jeta dhe dashuria për njëri tjetrin janë gjërat më të rëndësishme, ndaj duhet të na ndihmojë të reflektojmë për një politikë të re demokratike që rrit besimin e e njerëzve tek vend i tyre?, tha Presidenti i Republikës.

Meta foli gjithashtu në mbrojtje të Kushtetutës, duke thënë se ajo nuk është një copë letre e cila mund të trajtohet sipas dëshirave të sunduesit të rradhës.

“Është e rëndësishme të jemi në mbrojtje të Kushtetutës dhe të mos tolerojmë asnjë sjellje. Kushtetuta është garancia e kartës europiane të këtij vendi dhe jo një copë letre, është një shoqëri që bazohet në vlera të qëndrueshme dhe nuk varet nga sunduesi i rradhës”, u shpreh Meta.

Presidenti nuk ka kursyer komentet rreth samitit të Minishengenit ballkanik, duke shtuar se iniciativat për bashkime rajonale janë në përgjithësi positive por jo në rastet kur nxisin debate.

?Çdo iniciativë rajonale është positive atëherë kur nuk prodhon debate?, tha Presidenti i Republikës Ilir Meta./CNA.al





Lajmet e fundit nga