E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Zheji nuk i ndahet vajzës së Linda Ramës/ S’më intereson e dashura kujt është, do padis kryeministrin

19 Dhjetor 2019, 22:19, Politikë CNA

Gazetari Artur Zheji ka reaguar pasi kryeministri Edi Rama i përmendi dje emrin në Kuvend lidhur me dënimin për shpifje për lajmin e sajuar se Rea Xhillari është në një lidhje me ministrin e Jashtëm në detyrë Gent Cakajn.

?Artur Zheji e bëri vajzën tonë dashnore të ministrit dhe tani thotë do largohem nga Shqipëria po u bë ky ligj. U dënua nga gjykata. Një shpifje e ulët. Kjo nuk është për mua. Unë me këta jetoj edhe një mijë vjet të tjera. Kjo është për shoqërinë?, tha dje Rama, ndërsa Zheji pretendon se nuk e ka thënë kurrë një gjë të tillë.

Për këtë gazetari deklaron se mezi po pret të miratohet ligji i censurës, në mënyrë që të padisë kryeministrin.

?Kryeministri do të bëhet interesant sidomos përpara Rudina Hajdarit, me atë po bën polemikë tani. Nuk kam thënë unë asnjëherë unë personalisht kurrë, kurrë as nuk do ta them sepse as nuk e di dhe as nuk më intereson se e dashura e kujt (fjalën dashnore nuk e përdor si Rama) mund të jetë vajza e tyre. Unë nuk e di që Rama ka vajzë, por gjithësesi vajza e tyre, dmth vajza e Lindës dhe i bën nder Ramës që si njerk që është të shqetësohet për fatin e saj, është problem familjar. Po bën shumë gabim që thotë gjëra që unë nuk kam thënë. Unë do ta padis dhe mezi po pres që ky ligj të anti-shpifje miratohet sepse do ta denoncoj sepse nuk kam thënë kurrë unë personalisht. Portali burim që hodhi një hipotezë se ajo vajzë bashkëjetonte me ministrin e Jashtëm ishte burimi. Burimi nuk është dënuar, janë hedhur vetëm portalet e tjera që janë si shishe që mbushen me ujë tek burimi dhe e kanë transportuar këtë lajm, i cili është mohuar, por pak rëndësi ka. Ramës i duhet të vetë viktimizohet në mënyrë që të përligji miratimin e këtij ligji. Këtë e bën shumë mirë, bravo i qoftë. Por ata që na ndjekin duhet ta dinë që këtë gjë unë nuk e kam thënë kurrë. Ai le ta provojë që Artur Zheji ka shkruar kështu apo ashtu. Atë si deputet dhe kryeministër nuk e kap ligji, e kap Gjykata e Lartë, por Gjykata e Lartë nuk ekziston?, tha Zheji./ CNA.al