E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

Klodiana Lala në mbrojtje të Hajdarmatajt/ Debat me avokatin e Geron Xhafajt: Duro moj vajzë

19 Dhjetor 2019, 21:41, Politikë CNA

Gazetarja Klodiana Lala ka debatuar me Ardian Vishën, avokatin e Geron Xhafajt, vëllait të ish-ministrit të Brendshëm, Fatmir Xhafaj, teksa po diskutonin për çështjen ?Babale?.

Visha hodhi akuza të forta ndaj ish-kreut të Prokurorisë së Krimeve të Rënda, Besim Hajdarmatajt, për të cilin tha se ka vepruar në mënyrë të paligjshme lidhur me këtë çështje.

Por Lala i ka dalë në mbrojtje Hajdarmatajt, pasi pretendon se prokurori ka sqaruar gjithçka dhe ka vepruar në mënyrë të ligjshme.

Pjesë nga debati:

Visha: Pse ?Babalja? u tërhoq nga komunikimi me Geron Xhafën? Në mënyrën më të pisët është përpjekur të bëjë të njëjtën gjë, një muaj më vonë. Madje, prokuroria bëri një operacion të gjerë për të zbuluar të vërtetën.

Lala: Është sqaruar ky moment.

Visha: Ky moj vajzë është momenti më i pasqaruar në gjithë këtë histori, por edhe më i pisti. Për këtë është pyetur edhe prokurori Hajdarmataj, i cili për mua ka vepruar në mënyrë të paligjshme. Është realizuar një përpjekje tjetër. Vjen Babalja në zyrë, hyn në zyrë, madje pa i marrë asnjë kartë identiteti, dhe i rrëfen se si të nesërmen do të bënte në trafik të madh narkotikësh. Nuk mundet që titullari i një institucioni të bëjë marrëveshje bashkëpunimi me një të penduar.

(Ndërhyn Klodiana Lala)

Sokol Balla: Klodi, do ta dëgjojmë. E di ti, por jo unë.

Lala: Hajdarmataj tha se ja lejon ligji të kërkojë ndihmën e SHISH, që të shihte nëse provat qëndronin. Pajtohem me ju që ka proteste të pista, por kë keni denoncuar ju?

Visha: Moj zonjë, ne kemi kallëzuar të gjithë që kanë sajuar atë që u shit si produkt gjoja i vërtetë me zërin e Geron Xhafës.

Lala: Na thuaj emra.

Visha: O do durosh moj vajzë. Ne kemi kërkuar të procedohen të gjithë ata që janë pjesë e kësaj. Në 1 faqe dëshmi të Babales ke të paktën 8-9 dëshmi të pavërteta, që ta besosh o duhet të jesh naiv, ose me qëllim të keq. Hajdarmataj ka vepruar në mënyrë të paligjshme.

Lala: A e keni denoncuar publikisht?

Visha: Ja ku po e denoncoj./ CNA.al