web counter
LEXO PA REKLAMA!

SHKARKO APP

App Store
Google Play

E fundit!

x

Kryemadhi fajëson Metën për Gjykatën Kushtetuese: Nëse e rikthejnë shkoj në Parlament

19 Dhjetor 2019, 15:58, Politikë CNA

Kryetarja e LSI-së Monika Kryemadhi ka bërë një deklaratë të fortë lidhur me rikthimin e saj në Parlament, pas djegies së mandateve në qershor të këtij viti.

Gjatë një interviste për Ora News, Kryemadhi fajësoi presidentin dhe bashkëshortin e saj Ilir Meta për mosfunksionimin e Gjykatës Kushtetuese. Ajo theksoi se nëse Meta dhe kryeministri Edi Rama rikthejnë Kushtetuesen, ajo do të rikthehet në Parlament.

?Shiko ne kemi këndvështrime të ndryshmë të paktën unë personalisht nuk flas dot për z.Berisha dhe z.Basha por flas vetëm për veten time dhe z.Meta. Kemi këndvështrime të ndryshme për sa i përket drejtimit të LSI, kemi debate, sigurisht që z.Meta është stabilokrat, është shtetar, i pëlqen që ne të ishim pjesë e institucioneve. Por edhe unë dua të jem pjesë e institucioneve, por dua të jem pjesë e institucioneve të pa kapura. Të më kthejë Gjykatën Kushtetuese Ilir Meta mua bashkë me Edi Ramën, dhe shikoje ti shkoj apo nuk shkoj unë në Parlament. Të kthejë Gjykatën Kushtetuese Ilir Meta, të kthejë Gjykatën Kushtetuese dhe Edi Rama se këta të dy bashkë e kanë bërë, sepse mos ndërhyrja e Ilir Metës, lënia dorë të lirë, modestia e tepruar e Ilir Metës solli që Edi Rama shkatërroi Gjykatën Kushtetuese, solli që Edi Rama me Romana Vlahutin, se e kemi harruar të gjithë Romana Vlahutinin ne. Çfarë ka bërë Romana Vlahutin, që e ka shkatërruar të gjithë sistemin në drejtësi, se RomanaVlahutin gjyqtarë është që na dilte ne dhe na bënte deklarata për gjyqtarë të korruptuar, kishte fakte Romana Vlahutin për gjyqtarët të korruptuar?, deklaroi kryetarja e LSI./ CNA.al





Lajmet e fundit nga