web counter
LEXO PA REKLAMA!

SHKARKO APP

App Store
Google Play

Ngritja e SPAK/ Kryemadhi: Erë e re në garantimin e sigurisë së qytetarëve

19 Dhjetor 2019, 12:39, Politikë CNA

Edhe kryetarja e LSI, Monika Kryemadhi ka reaguar në lidhje me krijimin e SPAK, Prokurorisë së Posaçme kundër Krimit të Organizuar dhe Korrupsionit.

Në një postim në rrjetet sociale, Kryemadhi e cilëson ngritjen e SPAK një zhvillim të rëndësishëm të Reformës në Drejtësi, i pritur prej kohësh.

Kryemadhi thotë se beson që një nga institucionet më të rëndësishme të drejtësisë do të veprojë i pandikuar nga presioni i çfarëdolloj dhe i pandikuar nga politika.

?Përshëndes krijimin e SPAK si një zhvillim i rëndësishëm i pritur prej kohësh i Reformës në Drejtësi.

Fillimi i aktivitetit të SPAK është moment shpresëdhënës se në Shqipëri do të nisë seriozisht puna për ndëshkimin e pandëshkueshmërisë dhe për sundimin e ligjit.
Ne besojmë që një nga institucionet më të rëndësishme të drejtësisë do të veprojë i pandikuar nga presioni i çfarëdolloj dhe i pandikuar nga politika. Ngritja e Strukturës së Posaçme dhe Byrosë së Hetimit do sjellë një erë të re në garantimin e sigurisë juridike për qytetarët e thjeshtë dhe për barazinë përpara ligjit. Koha e ?të fortëve?, kriminelëve me pushtet apo të mbrojtur nga pushteti, ka mbaruar.
Me këtë rast përshëndes dhe angazhimin e partnerëve tanë ndërkombëtarë, SHBA dhe BE, për mbështetjen e vazhdueshme për krijimin e kësaj strukture kaq të rëndësishme për drejtësinë në Shqipëri dhe për integrimin e saj në Bashkimin Evropian.?-shkruan Kryemadhi./ CNA.al





Lajmet e fundit nga