web counter
LEXO PA REKLAMA!

SHKARKO APP

App Store
Google Play

Në Romë për Samitin ndërqeveritar/ Rama: Do të nxiten donatorët për rindërtimin pas tërmetit

19 Dhjetor 2019, 09:49, Politikë CNA

Kryeministri Edi Rama ka mbërritur sot në Romë për të marrë pjesë në Samitin e Forumit InCe, një forum ky ndërqeveritar të bashkëpunimit rajonal mes vendeve të Europës Qëndrore e Jugore. Incë do të zhvillojë takimin ditën e sotme, me 19 dhjetor në ambientet e Ministrisë së Jashtme Italiane.

?Romë ? Samiti i vendeve të Nismës së Europës Qëndrore (CEI) nën drejtimin e Italisë mike, një mundësi më shumë për të nxitur pjesëmarrjen dhe angazhimet konkrete në Konferencën e Donatorëve për Rindërtimin pas tërmetit të 26 nëntorit?, shkroi Rama në facebook duke lënë të kuptohet se në këtë takim do të nxitet pjesëmarrja e donatorëve për të ndihmuar rindërtimin e dëmeve të shkaktuara nga tërmeti tragjik.

Pas 18 vitesh i takon Italisë të marrë Presidencën e radhës së InCe, gjë që përkon dhe me 30 vjetorin e krijimit të këtij Forumi. Takimi do të drejtohet Kryeministri italian Giuseppe Conte dhe marrin pjesë 17 vende; 9 prej tyre janë anëtare të Bashkimit Europian; Bullgaria, Kroacia, Italia, Polonia, Republika Çeke, Rumania, Sllovakia, Sllovenia e Hungaria. 5 vende të tjera pjesëmarrëse janë në perspektivën e hyrjes në Bashkimin Europian si Shqipëria, Serbia, Maqedonia e Veriut, Bosnja, Hercegovina e Mali i Zi, si dhe 3 vendet e tjera Moldavia, Ukraina e Bjellorusia./CNA.al





Lajmet e fundit nga