web counter
LEXO PA REKLAMA!

SHKARKO APP

App Store
Google Play

Rudina Hajdari bën paralajmërimin e fortë/ Ndryshimi i madh do të vijë

19 Dhjetor 2019, 08:24, Politikë CNA

Deputetja demokrate, Rudina Hajdari ka paralajmëruar se nuk do të heqin dorë nga kërkesa për ndryshimin e sistemit zgjedhor në Shqipëri.

E ftuar në A2CNN, deputetja Hajdari tha se sot do të bëhen propozime konkrete për ndryshimin e sistemit, ndërsa shtoi se duhet kthyer besimi i shqiptarëve tek zgjedhjet.

?Sot do kemi një propozim konkret për ndryshimin e sistemit. Ne presim që të kemi zhvillime të reja në këtë komision, i cili do jetë shtysa kryesore për ndryshimin e madh. Në do vijojmë të insistojmë që të kemi një sistem që tiu kthejë besimin shqiptarëve. Nëse ne nuk bëjmë një ndryshim thelbësor, shqiptarët nuk do shkojnë të votojnë. Duhet të kemi depolitizim të administratës, qytetarët të kenë mundësi të votojnë të preferuarin e tyre dhe duhet të kemi lista të hapura?-tha deputetja Hajdari.

Më tej, ajo shtoi se sot nuk ndodh kjo, pasi sipas saj ?Sot shqiptarët  votojnë sepse kanë frikë vendin e punës apo se i shtyn politika, por nuk duhet të ndodhë kjo?.

Gjithashtu Hajdari, theksoi se kjo kërkon angazhim të fortë.

?Kjo kërkon angazhim të fortë, shqiptarët duan njerëz të rinj dhe një shpresë të re.?-deklaroi Hajdari.

E pyetur nëse kreu i PD-së, Lulzim Basha do ta përqafojë ndryshimin e sistemit, deputetja Hajdari tha se ky është një premtim që ai ua ka bërë të rinjve.

?Ka pasur një deklaratë të Bashës me studentët në Universitetin e Tiranës. Ai tha vetë unë jam pro listave të hapura. Mendoj se Basha është koshient për deklaratat që ka bërë dhe të mbajë premtimet që iu ka bërë të rinjve. Mendoj se Basha do ta përafonte këtë ide?-tha deputetja Rudina Hajdari./ CNA.al





Lajmet e fundit nga