web counter
LEXO PA REKLAMA!

SHKARKO APP

App Store
Google Play

Kryemadhi kundër Minishengenit ballkanik/ “Iniciativë e nxituar që nxit konflikte”

20 Dhjetor 2019, 09:56, Politikë CNA

Kryetarja e Lëvizjes Socialiste për Integrim, Monika Kyemadhi ka reaguar sot në lidhje me samitin e Minishengenit ballkanit, që do të mbahet në Shqipëri.

Kryemadhi e ka quajtur minishengenin një iniciativë të nxituar, më shumë për faktin që jo të gjitha vendet e Ballkanit, siç është rasti i Kosovës, marrin pjesë. Ky fakt nxit më tepër konflikt se sa bashkim në rajon, thekoi ajo.

?Mini Schengeni Ballkanik pa Kosovën dhe vendet e tjera të Ballkanit Perëndimor është jo vetëm një iniciativë e nxituar, por ajo nxit konflikt dhe lë shumë dritëhije pas?, shkroi Kryemadhi në rrjetet sociale.

Kryemadhi ka listuar disa pyetje që LSI kërkon të bëhën transparente në mënyrë që të zgjidhet misteri i kësaj marrëveshjeje.

?Sot të gjithë ne kërkojmë të dimë:
1. Çfarë është diskutuar mbi këtë marrëveshje?
2. Cilat janë pikat e bashkëpunimit për të cilat është rënë dakord?
3. Përse Kosova, Mali i Zi dhe Bosnja kanë refuzuar të jenë pjesë?
4. Çfarë përfiton dhe çfarë humbet Shqipëria?
5. A garantohet njohja e Kosovës nëpërmjet këtij bashkëpunimi?
6. Çfarë e detyroi Kryeministrin të vraponte drejt kësaj iniciative duke mos marrë parasysh Kosovën??, ka shtruar Kryemadhi si pyetje.

Duke aluduar mbi faktin nëse Rama po e përdor Minishengenin si presion ndaj Bashkimit Europian, Kryemadhi ka theksuar se rruga drejt BE është e destinuar për shqiptarët, gjë që Rama nuk mund ta pengojë./CNA.al





Lajmet e fundit nga