E fundit!

11:46 Aktualitet

Balla, pyetje publike protestuesve

Kreu i grupit parlamentar të PS, Taulant Balla iu është dr...

Minishengeni ballkanik/ Vetëvendosja proteston kundër ardhjes së Vuçiç

19 Dhjetor 2019, 14:00, Aktualitet CNA

Lëvizja Vetëvendosje në Tiranë ka paralajmëruar se do të zhvillojë një protestë përpara hotelit ku do të qëndrojë Presidenti i Serbisë, Aleksandër Vuçiç, me rastin e ardhjes së tij për takimin e Minishengenit ballkanik. Kryetari i Bordit të Vetëvendosjes në Shqipëri, Enis Sulstarova, përmendi se Shqipëria është e vetëdijshme se Vuçiç vijon të mos e njohë Kosovën dhe po punon ende kundër interesave të kombit shqiptar.

?Shqiptarët e dinë se presidenti i Serbisë ka qenë Ministër i Informacionit gjatë kohës kur regjimi i Milosheviçit ka kryer masakra të shumta në Kosovë. Ushtria dhe paramilitarët serbë kanë vrarë e masakruar me mijëra civilë, nuk kanë kthyer mbi 1600 persona që mbeten të pagjetur, kanë dhunuar 20 mijë gra e vajza, kanë shkatërruar mbi 100 mijë shtëpi, kanë vjedhur artefaktet kulturore e fondin pensional, kanë shkatërruar mbi 50% të traktorëve dhe të bagëtisë në Kosovë, dukë bërë që Serbia t?i ketë borxh kombit shqiptar mbi 20 miliardë euro si dëmshpërblime lufte. Qeveria Vuçiç vazhdon ta luftojë pavarësinë e Kosovës dhe punon pa u ndalur kundër interesave të kombit shqiptar. Sot që Kosova njëzëri refuzon të marrë pjesë në një takim ku ministri i Milosheviçit paraqitet si bamirës, interesi kombëtar na thotë se të njëjtin qëndim duhet të mbante edhe qeveria e Shqipërisë?, tha ndër të tjera Kryetari i Borit të Vetëvendosjes në Shqipëri, Enis Sulstarova.

Aleksandër Vuçiç do të vijë në Shqipëri në datat 20 dhe 21 dhjetor, pasi atëherë do të mbahet samiti i Minishengenit të Ballkanit. Kosova ka njoftuar se nuk do të marrë pjesë në këtë samit./CNA.al