E fundit!

11:46 Aktualitet

Balla, pyetje publike protestuesve

Kreu i Grupit Parlamentar të PS-së, Taulant Balla, u është...

Debat me zv.ministrin/ Gazetari nxjerr videot nga Thumana: Njerëzit e parë i shpëtuan banorët

17 Dhjetor 2019, 22:35, Aktualitet CNA

Një debat i nxehtë ka ndodhur mbrëmjen e sotme mes gazetarit Erjon Skëndaj dhe zëvendës-ministrit të Infrastrukturës dhe Energjisë Ilir Bejtja.

Skëndaj bëri një deklaratë të fortë në emisionin “Real Story” kur tha se personat e parë që janë nxjerrë të gjallë nga gërmadhat, u nxorën nga familjarët në 7 të mëngjesit të 26 nëntorit dhe jo nga grupet e kërkim-shpëtimit.

Madje gazetari tregoi edhe disa video, por kjo u kundërshtua me forcë nga Bejtja, i cili pretendon se të gjithë kanë qenë aty në ato momente dhe kanë punuar grupet e emergjencave ppër nxjerrjen e tyre.

Ndërkohë në debat është përfshirë edhe sekretari organizativ në PD Eno Bozdo.

Debati:

Gazetari: Në orën 7 po nxirrnin njeriun e parë nga rrënojat në Thumanë familjarët e banorët. Nuk ka punonjës, nuk e nxjerrin ekipet por familjarët.

Bejtja: Kemi qenë në orën 5. Punonjësit aty kanë qenë. I kanë nxjerrë inertet me kova.

Gazetari: I kanë nxjerrë me batanije.

Bejtja: I bëni fresk ekipeve që kanë ardhur nga jashtë shtetit. Kanë ardhur pasdite.

Gazetari: Kosovarët kanë ardhur në 12:00? Nuk bëhet kërkim shpëtimi duke qëndruar mbi rrënoja se shton peshën.

Bejtja: Po punohej. Në rrënoja punonin 2 familjarë dhe 3 njerëz të operacionit.

Gazetari: Pastrimi bëhet dorë mbi dorë.

Bejtja: Aty kemi qenë, është pastruar. I hiqni vlerat njerëzve.

Gazetari: Absolutisht fare. Ata kanë rrezikuar jetën nga mëngjesi deri në darkë, por nuk i kanë shërbyer heqjes së inerteve.

Bejtja: Inertet hiqen me dorë. Nuk je ti ekspert.

Gazetari: A je ti ekspert? Hiqen dorë më dorë. Nuk e kanë fajin ushtarët por ata që nuk i kanë trajnuar.

Bejtja: E ke gabim, e kanë bërë. Zëvendësojnë njeri-tjetrin. Nuk e mohon dot operacionin.

Gazetari: Tullat duhet të vendosen njerëzit njëri pas tjetrit.

Bejtja: 5 kordonë.

Bozdo: Nderim dhe respekt për Forcat e Armatosura që me duar, me thonj e pa asnjë lloj mjeti? Shënavlashi është një fshat që është në persekutimin tuaj. Ata që keni ndihmuar i keni anëtarë të PS.

Bejtja: Është një turp i madh kjo.

Bozdo: Njerëzit ishin të papërgatitur jo vetëm për mjetet por edhe përgatitje.
E dini që shqiptarët po kërkonin për të mbijetuar në një anë të godinës dhe kur erdhën kosovarët lëshuan qenin dhe nxorën dy të gjallë në anën tjetër. Nuk po themi që nuk vajtën ushtarët, aty vajti ushtria, policët që nuk kanë lidhje me këtë.

Bejtja: Nuk më vjen turp që jemi rropatur e që kemi bërë aq sa mundëm. Mua më vjen turp që dëgjoj pse Edi Rama do ndërtojë 200 apartamente, maskara. Duke parë dokumentarët që i xhiron vetë është gjëja më skandaloze.

Bozdo: Keni një televizion nga mbrapa që bombardon. Ti shikon ERTV normal që je i dezinformuar./ CNA.al