web counter
LEXO PA REKLAMA!

SHKARKO APP

App Store
Google Play

E fundit!

x

Kalonin persona të paligjshëm për 3000 euro/ Në pranga 2 persona në portin e Durrësit

17 Dhjetor 2019, 13:13, Aktualitet CNA

Shërbimi i Çështjeve të Brendshme dhe Ankesave dhe Prokuroria e Durrësit proceduan një punonjës policie me detyrë kontrollor në Portin e Durrës si dhe arrestoi dy shtetas të tjerë, të cilët në lidhje me njëri-tjetrin, dyshohet se kalonin nëpërmjet pikës kufitare të portit të Durrësit, shtetas të ndryshëm me probleme në zonën Shengen kundrejt pagesave të konsiderueshme deri në 3.000 euro.

44-vjeçari B.D., banues në Durrës, me detyrë punonjës në Zonën e Terminalit, organizonte dhe ndërmjetësonte me punonjës policie, duke krijuar kushte për kalim të paligjshëm të personave me probleme në zonën Shengen. Në cilësinë e provës materiale në momentin e arrestimit, iu sekuestrua vlera prej 1.300 euro, vlerë e përfituar nga kalimi i paligjshëm i shtetasit.

28-vjeçari T.D., banues në Durrës, me detyrë agjent doganor i një agjencie doganore private, në rolin e bashkëpunëtorit, i cili ndihmonte në gjetjen e klientëve për kalime të paligjshme. Iu kapën dhe sekuestruan 500 euro.

Ndëra V.C., 32 vjeç, ndiqet në gjendje të lirë.

Procedimi është bërë për veprën penale të ?Korrupsionit pasiv të personave, që ushtrojnë funksione publike?.

Hetimi vijon për zbulimin e plotë të ngjarjes dhe kapjen e personave të tjerë të dyshuar si të implikuar në këtë veprimtari kriminale./CNA.al





Lajmet e fundit nga