web counter
LEXO PA REKLAMA!

SHKARKO APP

App Store
Google Play

Censura në media/ Mema: Qeveria të drejtohet me emra, boll futi duart politika

16 Dhjetor 2019, 21:02, Aktualitet CNA

Gazetari Marin Mema ka dalë kundër paketës së censurës ndaj medias që u miratua sot në parim në Komisionin e Ligjeve.

Gazetari tha se në media ka abuzime, por jo të gjitha mediat dhe gazetarët janë të këqinj, prandaj kërkoi që qeveria të drejtohet me emra dhe jo të censurojë të gjitha mediat.

?Nuk mund ta konceproj dot që media është kriminale, a ka abuzime në media? Po ka, a ka gazetarë të këqinj? Po ka, a ka gazetarë që abuzojnë me informacionin? Ka, por nuk mund të flitet mediat, gazetarët. Gazetar jam dhe unë, jeni dhe ju. Por ka edhe gazetarë të mirë, që e duan profesionin, ka edhe matrapazë, por duhen thënë me emër. Medias i duhet drejtuar me emër, por jo mediat?, deklaroi gazetari, ndërsa theksoi se politika nuk duhet të fusë më duart te mediat.

?Ky anatemim është jonormal. Në momentin që ti anetemon median në tërësi, çfarë do ndodhë me gazetarët në tërësi, është si kjo kazani. Jo kazani, pse kazani, unë nuk jam kazan, nuk e ndjej veten kazan. Një gjë e them me siguri, unë e dua vendin më shumë se mund ta dojë e gjithë Shqipëria bashkë. Unë nuk e ndjej veten kazan e thashë dhe njëherë, përgjegjësitë nuk mund të jenë kolektive, përgjegjësitë duhet të jenë individuale. Referoju me emra, me raste konkrete. Ta harrojnë se problemi më i madh është media, fajtori më i madh është politika, se po të drejtohej ky vend siç duhej në këto 30 vite do kishte ecur shumë më mirë. Politika i ka futur shumë duart në media dhe përgjegjëse shpesh edhe për gabimet është politika. Politika nuk duhet të fusë duart në media. Duhet të përpiqemi të marrin normat që kanë vendet uropiane, t?i përshtatemi normave që kërkon BE nëse duam të shkojmë në BE?, deklaroi ai në emisionin ?5 pyetje nga Babaramo?./ CNA.al





Lajmet e fundit nga