web counter
LEXO PA REKLAMA!

SHKARKO APP

App Store
Google Play

E fundit!

x

Kërkoi azil politik në Zvicër/ Shtyhet emërimi i zëvendësit të Tufës

13 Dhjetor 2019, 17:48, Aktualitet CNA

Pas largimit të Agron Tufës nga posti i tij si drejtor i Institutit për Studimin e Krimeve dhe Pasojave të Komunizmit, është zvhilluar mbledhja e bordit drejtues për të përcaktuar drejtorin e ardhshëm. Mirëpo, deri tani nuk kemi një emër konkret.

Çelo Hoxha, Erald Kapri, Marçelo Hila dhe Leka Ndoja janë kandidatët për postin drejtues të drejtorit të Institutit të Krimeve të Komunizmit. Bordi drejtues e shtyu vendimin për kandidaturat deri në datën 23 dhjetor, me arsyetimin se kishte mungesë dokumentacioni në dosjet e kandidatëve.

Mbledhja e bordit u zhvillua me dyer të mbyllura. Katër kandidatët duhet të jenë të pajisur me dy dokumente të rëndësishme, njëri lidhet me pastërtinë e figurës dhe tjetri lëshohet nga autoriteti i dosjeve.

Kryetari i bordit u shpreh se pas plotësimit të dosjes, kandidatët do të dëgjohen nga bordi dhe më pas do të përzgjidhet drejtori i rradhës.

Deri të mërkurën e ardhshme, mbetet mister se kush do të zëvendësojë Agron Tufën, në institucionin që ka qenë në qendër të sulmeve kohët e fundit.

Ish-Kreu i Institutit për Krimet dhe Pasojat e Komunizmit, shkrimtari dhe pedagogu Agron Tufa ka kërkuar azil politik në Zvicër, ku edhe është larguar bashkë me familjen e tij, pasi ka marrë kërcënime të vazhdueshme për punën që bënte./CNA.al





Lajmet e fundit nga