web counter
LEXO PA REKLAMA!

SHKARKO APP

App Store
Google Play

Rekomandimi i KLSH për cilësinë e ndërtimit/ Vasili ngre alarmin: Prokuroria është vonë! Të hetojë refuzimin nga qeveria

15 Dhjetor 2019, 16:17, Politikë CNA

Nën kryetari i LSI, Petrit Vasili ka ngritur shqetësimin pse prokuroria nuk heton për refuzimin nga qeveria të rekomandimeve të Kontrollit të Lartë të Shtetit për cilësinë e ndërtimt.

Sipas Vasilit, tërmetet e 26 nëntorit dhe 21 shtatorit treguan qartë se gjatë verifikimit të pasojave të rënda që ato lanë pas, kishte paaftësi të theksuara teknike.

?U vërejtën mjaft raste paraqitje e raporteve të verifikimit brenda 24 orëve diametralisht të kundërta gjë shkaktonte pasiguri dhe panik tek qytetarët.
Kontrolli i Lartë i Shtetit ka publikuar që në 12 korrik 2019 Raportin e auditimit me temë ?Sigurimi i cilësisë së veprave ndërtimore?.
Është tashmë shumë e qartë dhe e provuar për të gjithë se Shqipëria ka Kryeministrin me të paaftë, që historia e Shqipërisë ka parë, gjë e ka kuptuar edhe ai vetë.
Ndaj nga një kryeministër i tillë përveç arrogancës që vjen prej korrupsionit dhe shkollëpakësisë nuk mund të pritej asgjë tjetër prandaj nuk ka pasur as reflektim dhe as marrje masash për këtë Raport kaq të rëndësishëm të KLSH.?, shkruan Vasili.

Sipas tij, Prokuroria duhet të marrë urgjentisht nën hetim veprimet dhe mosveprimet e qeverisë shqiptare për Raportin e KLSH dhe të çojë përpara drejtësisë përgjegjësit qeveritarë që neglizhuan.

?Prokuroria është vonë! Një prokurori që nuk vepron edhe kur faktet janë kaq të qarta dhe për më shumë janë edhe dokumenta shtetërore zyrtare, që akuzojnë,bëhet bashkëfajtore me qeverinë. Sot shqiptarët e martirizuar nga termeti dhe neglizhenca kriminale e qeverisë nuk mund të tolerojnë një prokurori, që hesht dhe mbyll sytë përpara fajtorëve. Taktika e arrestimeve të shumë personave njëri me i parendësishëm se tjetri, sa për t?i hedhur hi syve oponionit, thjesht rëndon akoma më shumë pozitën e prokurorisë përpara popullit shqiptar?, shkruan më tej Vasili.

Ai shprehet se raporti i KLSH i ka paraprirë situatës, ndaj neglizhimi arrogant i qeverisë është krim që duhet hetuar me shpejtësi./CNA.al





Lajmet e fundit nga