web counter
LEXO PA REKLAMA!

SHKARKO APP

App Store
Google Play

PD ngre alarmin/ Biznesi i vogël dhe fason drejt falimentit

15 Dhjetor 2019, 15:53, Politikë CNA

Këshilltari për ekonominë në PD Dorian Teliti ka zhvilluar një takim me bizneset e vogla të Durësit dhe një fasoneri në Shkozet, për të cilat thotë se janë drejt falimentit.

Në një deklaratë për mediat, Teliti ngre akuzat se qeveria mban qëndrim selektiv ndaj të prekurve nga tërmeti.
Sipas tij nëse nuk je pjesë e oligarkëve dhe miqve të Kryeministrit, nuk mund të jesh në vëmendje të shtetit.

?Zamiri, administratori i këtij biznesi fason paralajmëron falimentin ndërsa askush nuk ka shkuar, qoftë edhe për të parë cfarë ka ndodhur, pas 26 nëntorit aty. Shqiptarët po e ndajnë jetën në dy kohë para dhe pas 26 nëntorit. Ndërsa para kësaj date ky biznes, me gjithë litarin në fyt nga taksat, mund të organizonte punën dhe të mbante të punësuar me dhjetra familje, sot gjendet përballë pamundësisë për të mbyllur muajin.

Ndërsa 30% e forcës punëtore në këtë biznes janë larguar pas dëmtimeve që kanë marrë nga tërmeti në familjet e tyre, edhe ata që janë rikthyer në punë tashmë janë larg për të ardhur cdo ditë, kosto të larta transporti?, thekson demokrati, teksa pretendon se zgjidhja e kësaj situate  mund të bëhet vetëm me implementimin e paketës prej 5 pikash të propozuar nga PD.

?Asnjë propagandë nuk mund ta fshehë këtë situatë të vështirë jo vetëm për bizneset por për cilindo nga mijëra familje e prekura nga tërmeti.

Sjellja selektive dhe partiake, nuk është zgjidhja. Shqipëria para 26 nëntorit ishte në ditë kritike për shkak të PPP dhe politikave korruptive të qeverisë.
Pas 26 nëntorit emergjencë mbetet mbajtja e situatës larg humnerës ekonomike.
Të anullohen kontratat koncensionare korruptive dhe të shpërndahen ato 150 milionë dollarë të parashikuara për oligarkët e të shkojnë në shërbim të atyre që kanë më shumë se sa nevojë për të qëndruar në këmbë?, përfundon ai./ CNA.al





Lajmet e fundit nga