E fundit!

08:20 Aktualitet

Seancë e ngarkuar në Kuvend/ Shqyrtohen sot 24 pika të rendit të ditës

Kuvendi i Shqipërisë mblidhet këtë të enjte më 16 korrik, ...

Arrestimet në Shkodër/ Policia jep detaje: Si u godit veprimtaria kriminale e prostitucionit

15 Dhjetor 2019, 12:26, Kronika CNA

Policia e Shkodrës jep detaje për operacionin e koduar “Klubet e natës?, i cili u zhvillua në bashkëpunim me forcat speciale Renea.

Nga hetimet proaktive disamujore u dokumentuan prova dhe u godit veprimtaria kriminale e shpërndarjes së lëndëve narkotike në klubet e natës dhe vënies së ambienteve të lokalit për ushtrimin e prostitucionit, në qarkun Shkodër.

Blutë bëjnë me dije se kontrollet janë shtrirë në shumë lokale dhe klube nate në Qarkun Shkodër dhe është shpallur në kërkim pronari i njërit prej tyre, i cili kishte vënë në dispozicion ambientet e lokalit për përdorimin e drogave të forta dhe për ushtrim prostitucioni.

Gjithashtu mësohet se në pranga ranë dy menaxherët e klubit dhe një shtetas tjetër, të cilët në bashkëpunim me pronarin e klubit kanë shpërndarë dhe shitur lëndë narkotike kokainë.

Bëhet fjalë për shtettasit me iniciale A. V, 29 vjeç, menaxheri i klubit, lindur dhe banues në Shkodër, i dënuar më parë për veprën ?Prodhimi dhe shitja e narkotikëve?, G. M., 27 vjeç, menaxher i klubit, lindur dhe banues në Shkodër, i arrestuar më parë për të njëjtën vepër penale ?Prodhimi dhe shitja e narkotikëve, në bashkpunim? dhe Z. J., 57 vjeç, këngëtar ne club, lindur në Muriqan e banues në Shkodër.

Gjithashtu u bë shpallja në kërkim policor e pronarit të lokalit, shtetasit E. M., si dhe u proceduan në gjendje të lirë shtetasit Ç. P., 33 vjeç, lindur dhe banues në Shkodër (klient) dhe L. S., 31 vjeçe, banuese në Shkodër (balerinë).

Nga hetimet e kryera ka rezultuar se të gjithë këta shtetas, në bashkëpunim me njëri-tjetrin dhe persona të tjerë kanë shitur dhe shpërndarë lëndë narkotike kokainë, kanë vënë në dispozicion ambientet e lokalit për përdorimin e drogave dhe për ushtrim prostitucioni.

Policia raporton se ka sekuestruar një sasi të vogël lënde narkotike kokainë dhe sende të tjera që shërbejnë për përdorimin e lëndëve narkotike, 5 aparate celular dhe dokumentacionin e lokalit ku ushtrohej ky aktivitet.

Ndërkaq, materialet referohen në Prokurorinë e Rrethit Gjyqësor Shkodër, për veprat penale ??Prodhimi dhe shitja e narkotikëve?? në bashkëpunim, ??Përshtatja e lokalit për përdorim droge??, ??Prostitucioni??, ??Mbajtja e lokaleve për prostitucion?? dhe ??Fshehja e të ardhurave??./ CNA.al