web counter
LEXO PA REKLAMA!

SHKARKO APP

App Store
Google Play

Arrestohet zyrtari i LDK-së në aeroportin e Prishtinës

14 Dhjetor 2019, 21:31, Kosova & Bota CNA

Policia ka arrestuar sot ish-kryetarin e Kaçanikut dhe ish-zyrtarin e Partisë Demokratike të Kosovës Xhabir Zharku.

Lajmin e ka konfirmuar edhe miku i tij Nasim Haradinaj, i cili deklaroi se Zharku u vu në pranga në aeroportin e Prishtinës.

?Zharku është arrestuar duke shkuar në Gjermani në një aheng familjar, arrestimi është bërë nga Policia e Kosovës në aeroportin e Prishtinës. Është arrestuar për një vepër, lënda e të cilës është hapur në vitin 2010?, deklaroi Haradinaj.

Mediat kosovare raportojnë se ish-zyrtari i PDK-së akuzohet për veprat penale ?Keqpërdorim i pozitës dhe autoritetit zyrtar? dhe ?Ushtrim i ndikimit?.

Në 2010-ën Zharku i kishte dhënë një parcelë toke në shfrytëzim një kompanie private e cila ndërkohë ia ka shitur një kompanie tjetër me pa të drejtë ligjore. Ndërkohë, kompania blerëse ka ndërtuar një banesë dhe ka paditur komunën. Gjykata i ka njohur të drejtën kësaj kompanie dhe prona ka kaluar në emër blerësit.

Nga ana tjetër ish-zyrtari i LDK-së, nuk e ka lejuar zyrtaren ligjore të regjistrojë një kërkesë në shkallën e dytë të gjykatës për shkak të mënyrës si është shitur toka.

Ai u dënua me tre vite burgim në vitin 2011, por në atë kohë u arratis në Suedi duke iu shmangur dënimit. Zharku u rikthye në Kosovë pas 5 vitesh e gjysmë, konkretisht më 7 qershor të 2018-ës, pasi Gjykata Themelore e Ferizajt, nxorri vendimin për ndalim të ekzekutimit të dënimit me burgim./ CNA.al





Lajmet e fundit nga