web counter
LEXO PA REKLAMA!

SHKARKO APP

App Store
Google Play

E fundit!

x

Kapriçot e motit/ Mos dilni pa çadër nga shtëpia

10 Dhjetor 2019, 07:09, Sociale CNA

Vlerat e presionit të ulët dhe masat ajrore të paqëndrueshme dhe të lagështa kanë sjellë mbi vendin tonë mot me vranësira të dendura që në orët e para të mëngjesit.

Për momentin ka reshje shiu me intensitet të ulët në pjesën më të madhe të territorit, ndërsa sasia më e lartë e reshjeve gjatë natës u regjistrua në qytetin e Vlorës me 32.2mm shi.

Moti i vranët do të vijojë përgjatë gjithë ditës së sotme por reshjet e shiut mbeten të herëpashershme dhe të dobta përgjatë ultësirës perëndimore dhe zonat e ulta dhe intensitet deri mesatar përgjatë zonave malore në lindje.

Sipas Shërbimit Meteorologjik Ushtarak, në zonën e Alpeve dhe lartësitë mbi 1000 metër në verilindje dhe juglindje reshjet e shiut kthehen në reshje dëbore.

Temperaturat e mesditës pritet të arrijnë vlerat nga 7ºC në zonat malore deri në 16ºC në ato të ulta dhe ato bregdetare.

Edhe për nesër pritet një ditë me vranësira mesatare dhe të dendura si dhe kthjellime të cilat nisin në orët e vona të pasdites. Reshje shiu të herëpashershme me intensitet të ulët dhe në zonën e jugut dhe relievet malore deri mesatar në formën e shtrëngatave. Sa i përket temperaturave ato pritet të pësojnë rënie prej 4 deri në 5ºC si në vlerat e mëngjesit ashtu dhe ato mesditës.

 





Lajmet e fundit nga