web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet planeti i parë gjigand jashtë sistemit tonë diellor/ Kush do të jetë fati i Tokës

9 Dhjetor 2019, 17:56, Sociale CNA

Astronomët europianë kanë zbuluar planetin e parë gjigand jashtë sistemit tonë diellor.

Ky planet sillet përreth një xhuxhi të bardhë dhe bën pjesë në yjësinë e Gaforrës. Planeti i ri i zbuluar ndodhet në një distance prej 1.500 vitesh dritë nga planeti Tokë.

Ky planet i përmasave tejet të mëdha supozohet të jetë 4 herë më i madh se planeti ynë dhe 3 herë më i madh se vetë ylli i tij.

Planeti gjigand ka edhe një kometë si ?bisht?, e cila po avullon gradualisht si pasojë e yllit të planetit. Zbulimi është bërë nga Teleskopi Shumë i Madh i Observatorit Evropian të Jugut (ESO) në shkretëtirën Atacama të Kilit dhe nga astronomët nga Britania, Gjermania dhe Kili, të udhëhequr nga britaniku Boris Gensikke. Xhuxhi i bardhë rreth të cilit sillet ky planet i ri, thuhet se është mbetje e një ylli siç është sot dielli ynë dhe temperatura e tij arrin në 28.000 celsius.

Shkencëtarët kanë thënë se pikërisht kështu mund të duket sistemi ynë diellor në të ardhmen e largët. Yjet si Dielli djegin hidrogjenin në bërthamat e tyre për pjesën më të madhe të jetëgjatësisë së tyre, por kur ajo lëndë djegëse mbaron, ato fryhen si një flluskë e nxehtë dhe shndërrohen në gjigandë të kuq, qindra herë më të mëdhenj se madhësia e tyre origjinale.

Kjo do t’i bëjë ata të “gëlltisin” dhe të shkatërrojnë planetët e tyre më të afërt, ka shumë të ngjarë që ky të jetë fati i Tokës, Mërkurit dhe Venusit pas rreth 4.5 deri në pesë miliardë vjet.

Përfundimisht gjiganti i kuq humbet shtresat e jashtme të tij në hapësirë, duke lënë pas një bërthamë, që është xhuxhi i bardhë, një mbetje e vogël që mund të ketë akoma planetë rreth tij, ata më të largëtit që shpëtuan nga “përqafimi” vdekjeprurës i gjigandëve të kuq. Në këtë sistem yjor, përveç ekzoplanetit gjigand të gjetur, mendohet se ka edhe të tjerë./CNA.al





Lajmet e fundit nga