web counter
LEXO PA REKLAMA!

SHKARKO APP

App Store
Google Play

“Kemi shtet prej kartoni”/ Edmond Spaho nxjerr zbuluar Ramën

9 Dhjetor 2019, 19:59, Politikë CNA

Ish Deputeti i PD Edmond Spaho, i ftuar në studion e ?ABC news? ka hedhur akuza ndaj qeverisë, lidhur me keqmenaxhimin e situatës post-tërmet, duke e konsideruar  si ?shtet prej kartoni?

Sipas Spahos, ndër 51 viktimat, një pjesë e tyre ishin pasojë e neglizhencës së kryeministrit, ndërsa vuri në dukje mungesën e paisjeve bazike të ekipeve shqiptare të shpëtimit.

?Ky termet do të tregojë se nuk kemi shtet të vërtetë por prej kartoni pasi nuk kishim emergjencë civile të mobilizuar, pajisje etj.

I dërguam NATOS kërkesë për pajisjet më bazike, sëpata, dyshekë etj, pa folur për pajisjet teknologjike. Jemi një shtet pa financa, pavarësisht 20 miliardë lekëve, ku do t?i marrim? Kanë ndihmuar shumë por nuk dimë fondin e qeverisë, sa është fondi i emergjencave, fondi rezerve? Jemi shtet pa organizim, ne po na zgjatet vlerësimi i dëmëve se mungon organizimi dhe profesionistët.?

Më tej, Edmond Spaho shprehu se ndër 51 persona të vdekur, një pjesë e tyre ishin pasojë e neglizhencës së kryeministrit. ?Kush mban përgjegjësi për pallatet në Thumanë që u goditën me 21 shtator dhe prapë njerëzit u futën dhe humben jetën. Ky shtet është i paorganizuar, i papajisur dhe i papërgjegjshëm. Qeveria duhet të veprojë për të vënë njerëzit përpara përgjegjësisë ashtu edhe prokuroria duhet të vendosë njerëzit përballë ligjit?, është shprehur ai.

Ndër të tjera, ish deputeti tha se nëpër fshatra ende nuk janë bërë vlerësime për banesat e dëmtuara dhe kjo vjen si pasojë e keqmenaxhimit nga ana e qeverisë.

?Në fshatra askush nuk ka shkuar për të bërë vlerësime. Janë të shumta shtëpitë e dëmtuara. Ka shtëpi të dëmtuara nga termeti i 21 shtatorit, ka familje që jetojnë në plasmasë pasi as çadra nuk kanë. Ky është keqmenaxhim dhe mungesë bazash materiale?, tha ndër të tjera Spaho./CNA.al





Lajmet e fundit nga