E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kënga Magjike/ Pse Eneda Tarifa fitoi mbi Fifin

8 Dhjetor 2019, 14:02, Sociale CNA

Dje në mbrëmje Kënga Magjike mbylli siparin e saj të sezonit të vitit 2019. Pati një garë të hershme midis disa këngëve të preferuara ku në finale dy kryesoret ishin Fifi me ?Marova? dhe Eneda Tarifa me ma zgjat dorën. Këngëtarët në fakt votuan për Eneda Tarifën, ashtu siç votoi dhe juria por publiku votoi këngën e Fifit.

CNA.al kontaktoi me një nga anëtarët e jurisë dhe me zyrtarë dhe organizatorë të këtij eventi për të marrë një sqarim të plotë, pse Eneda ishte zgjedhur nga juria apo pse u rrëzua Fifi kur ndërkohë opinioni publik e kishte votuar atë dhe kishte një mbështetje të madhe në sallë.

Burime për CNA.al thanë se vlerësimi ka ardhur pasi është parë në detaj çdo këngë. Është parë jo vetëm performanca, mesazhi i këngës, mënyra e artikulimit , teksti, gjuha , pra një këngë shihet në kompleks, nuk mjaftojnë vetëm duartrokitjet emocionale të disa personave dhe tifozëve të njërës apo tjetrës palë që mund të jenë më të zjarrtë. Edhe burimi saktësoi se mesazhi i këngës së Eneda Tarifës ishte më i fortë, e dyta gjuha shqipe e kënduar nga Eneda ishte edhe më e pastër dhe votimi i jurisë ishte i njëjtë me votimin e këngëtarëve.

Por po të shohim edhe votimin e opinionit publik diferenca midis të dyjave ishte mjaft e ngushtë dhe në finale Eneda shpallej fituese edhe po të shikoje dy votimet, pra juria dhe këngëtarët, opinioni publik më pas është një votim i cili thuajse i nxorri të barabarta. Ndërsa një nga organizatorët i tha CNA.al se mbështetja në sallë ndaj Fifit duket se ishin ca të rinj të sjellë në sallë prej saj disa mbështetës dhe fansa të saj të cilët bërtitnin dhe ulërinin pasi ishin të sigurt se ajo do të fitonte por po të dëgjosh këngën për të disatën herë të Enedës mesazhin e saj përcjellës mënyrën e të kënduarit, gjuhën që përdor është më e thellë më e pastër dhe vërtetë një këngë fituese ashtu siç e ka për dinjitetin e Këngës Magjike.

Në fakt edhe kënga e Fifit është kthyer në një hit per rininë shqiptare dhe duket që do të mbështetet gjithmonë por në festival një është fitues, ka dhe vend të dytë ka dhe vend të tretë, gara e hershme tregoi dhe se muzika shqiptare po ngrihet në një nivel tjetër por dhe vlerësimet po bëhen edhe më profesionale dhe më të hapura./CNA.al