16 vjeçarja nga Kosova rrëmben zemrat e finlandezeve me humanizmin e saj

6 Dhjetor 2019, 18:18, Sociale CNA

Tërmeti në Shqipëri shkaktoj dhimbje në çdo vend ku jetojnë shqiptarët.

Edhe pse vetëm 16 vjeçare, Kosovare Aliu ndjeu obligim që të bëjë diçka për ti ndihmuar njerëzit e goditur nga tërmeti në Shqipëri.

Ngjarjet atje e prekën thellë në shpirt. Ajo kontaktoi ish mësuesen e sajë nga shkolla fillore ?Mervi Salminen? që merret me aktivitete humanitare nëpërmes ?RAFIKI KERHO?, dhe shprehu nevojën për ti dal në ndihmë Shqipërisë me aq sa munden në këto kohëra të vështira, duke organizuat një aktivitet humanitar ku do të mblidheshin ndihma materiale, për familjet e goditura nga tërmeti.

Mervi Salminen së bashku me drejtoreshën e shkollës shprehën gatishmërinë për të përkrahur një aktivitet të tillë. I njëjti aktivitet u përkrahë dhe u organizua në dy shkollat e Espos, atë të Tiistilän Koulu dhe gjimnazi Etelä-Tapiolan Lukio.

Kosovarja së bashku me bashkëmoshatarët dhe të afërmit e saj, por edhe me bashkëkombësit e saj të të gjitha moshave që ju bashkëngjitën këtij aksioni humanitar, arriti që nga shitja e ëmbëlsirave të përgatitura në këto familje shqiptare, pore edhe nga donacionet vullnetare të bashkëmoshatarëve, prindërve dhe mësimdhënësve finlandez, të mbledh rreth 1500 euro, të cilat do ti dërgon në Shqipëri nëpërmes shoqatës Jetimët e Ballkanit dhe Halil Kastrati.

Aksionin e përkrahu edhe Juuso Oikarinën i cili është menaxher i një dyqani tregtar K- MARKET Matinkylä, duke ofruar falas gjërat e nevojshme për përgatitjen e ëmbëlsirave. Ai, informatën për organizimin e mori nëpërmes medies sociale, duke u ndjerë i prekur dhe emocionuar nga një humanizëm i një vajze të re por me zemër të madhe.

Për ngjarjen shkroi edhe gazeta më e madhe në Finlandë Helsingin Sanomat. Aktivitete të tilla ku jepet diçka për të marr diçka duhet të organizohen edhe në Kosovë sa më shumë, sepse kjo zhvillon kulturën e meritokracisë por edhe të humanizmit te të rinjtë.

Finlanda, gjithmonë ju ka qëndruar përkrah popullit shqiptare në ditët e vështira. Atje ofrohet edhe mësim në gjuhën shqipe për komunitetin shqiptar në këtë vend.