web counter
LEXO PA REKLAMA!

SHKARKO APP

App Store
Google Play

A do të fillojë mësimi në 9 dhjetor?/ Politekniku njoftim të rëndësishëm për studentët

6 Dhjetor 2019, 20:56, Sociale CNA

Ashtu si Universiteti i Mjekësisë së Tiranës edhe Universiteti Politeknik të Tiranës ka lajmëruar se procesi mësimor nuk do të fillojë javën e ardhshme siç ishte paralajmëruar.

Rektorati i këtij Universiteti gjatë një mbledhjeje vendosi që mësimi do të shtyhet deri në datën 13 dhjetor.

Raportohet se gjatë këtyre ditëve që është pezulluar mësimi, në këtë universitet po kryhen punime nga inxhinierët, të cilët po vlerësojnë dëmet e tërmetit të 26 nëntorit.

?Rektorati i Universitetit Politeknik të Tiranës,  në mbledhjen e datës 06.12.2019, pasi shqyrtoi raportin teknik të vlerësimit të dëmtimeve në ndërtesat e UPT, hartuar nga grupi i ekspertëve të ngritur me Urdhërin e përbashkët të Rektorit dhe Administratorit të UPT Nr. 147 datë 26.11.2019 dhe rekomandimet e dhëna në të , vendosi:

Ndërprerjen e procesit mësimor në Universitetin Politeknik të Tiranës edhe gjatë javës në vazhdim (datë 09.12.2019 deri në datë 13.12.2019) me qëllim kryerjen e riparimeve të nevojshme për të mundësuar zhvillimin normal të procesit mësimor

Rifillimi i procesit mësimor do të njoftohet në ditët në vijim?, thuhet në njoftimin e Universitetit./ CNA.al





Lajmet e fundit nga