E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Dëmet nga tërmeti/ Qendra Operacionale e Emergjencave bën bilancin në Lezhë

8 Dhjetor 2019, 19:00, Sociale CNA

Qendra Operacionale e Emergjencave në Lezhë ka bërë me dije bilancin e dëmtimeve në këtë qark, pas tërmetit të 26 nëntorit.

Sipas Etjen Xhafaj, përfaqësues i Komitetit Ndërministror për Emergjencat Civile, jo të gjitha pallatet që janë shpallur të pabanueshëm do të shemben, pasi do të ketë një proces të dytë rivlerësimi, gjatë të cilit do të mendohet edhe për ndonjë ndërhyrje të mundshme.

?Pikë së pari duam të informojmë qytetarët që jetojnë në pallate se jo të gjitha pallatet të cilat janë përcaktuar si të pabanueshme do të shemben. Pra do të ketë një proces të dytë rivlerësimi, gjatë së cilit do të vlerësohet edhe ndërhyrja e mundshme. Ka raste kur do të ndërhyhet strukturalisht, ndërsa për raste të tjera do të ketë një vendim specifik nga Këshillat Bashkiakë të bashkive për të specifikuar atë që do të ndodhë. Pastaj do të mundësohet edhe afrimi në këto godina i qytetarëve, të shoqëruar nga policia, si dhe nga instancat e tjera ligjore e shtetërore për të mundësuar tërheqjen e orendive shtëpiake dhe mjeteve të qytetarëve.

Sot ka vijuar vlerësimi dhe certifikimi i banesave, në bashkëpunim me 6 grupe nga Kosova. Nesër do të ketë një trajtim dhe rishpërndarje të re të grupeve të vlerësimit nga të treija bashkitë në territor. Po ashtu është marrë një vendim i Këshillit Bashkiak Lezhë për të vijuar me bonusin e qirave për qytetarët e Lezhës. Nesër do të ketë mbledhje të Këshillave Bashkiak në Kurbin dhe në Mirditë, për të marrë vendime në lidhje me këto çështje. Këshilli Bashkiak Kurbin do të marrë vendim dhe njëhere për pallatet e dëmtuara. Sot është bërë evakuimi i një pjese të Spitalit të Laçit, në Bashkinë Kurbin në drejtim të Spitalit Lezhë. Kemi shtuar shërbimet ambulantore. Kemi mbajtur hapur në qytetin e Laçit shërbimet e emergjencës. Është shumë e rëndësishme të kemi mirëkuptimin e qytetarëve dhe bashkëpunimin me grupet e vlerësimit por dhe me ekipin e gjithë ndihmës shtetërore dhe të Shtabit të Emergjencave Civile?, tha Xhafaj.