web counter
LEXO PA REKLAMA!

SHKARKO APP

App Store
Google Play

Raportuesja për Shqipërinë në PE optimiste/ Besojmë se negociatat do hapen në mars

7 Dhjetor 2019, 20:30, Aktualitet CNA

Tejet optimiste është shprehur raportuesja për Shqipërinë në Parlamentin Europian, Izabel Santos, teksa foli për hapjen e negociatave në muajin mars.

Santos deklaroi se është e kënaqur me angazhimin e Shqipërisë për reformat e ndërmarra dhe për krijimin e institucioneve të drejtësisë dhe se pret të merret një vendim pozitiv.

?Është angazhimi i tij dhe ne jemi shumë të kënaqur me këtë angazhim. Ne jemi të gatshëm për mbështetje. Presim përgjigjen e Shqipërisë. Besoj, se do bëhet e mundur. Reforma elektorale duhet të bëhet sipas rekomandimeve të OSBE/ODHIR. E njoh shumë procesin e reformës elektorale, pasi kam qenë zëvendëspresidente e asamblesë parlamentare të OSBE-së dhe kryetare e komisionit të të drejtave të njeriut në këtë asamble. Kjo reformë është shumë e rëndësishme për demokracinë tuaj, për transparencën e sistemit tuaj elektoral, si dhe besimin e qytetarëve në procesin elektoral. Sigurisht që funksionimi i Gjykatës Kushtetuese dhe Gjykata e Lartë është një kërkesë më se e kuptueshme. Vendi duhet të sigurojë që këto dy struktura thelbësore të jenë funksionale dhe të ketë një proces elektoral transparent dhe në përputhje me standardet ndërkombëtare?, u shpreh Santos në një intervistë për ABC News./ CNA.al





Lajmet e fundit nga