E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Cilët janë ndërtuesit që do ndërtojnë godinat e reja?/ A duhet të paguajnë shqiptarët për dëmin e tyre?

5 Dhjetor 2019, 11:29, Politikë CNA

Sipas listës së miratuar para dy ditësh, në Këshillin Bashkiak të Tiranës, 500 banorë përfitojnë dëmshpërblim për dëmtimet e shtëpive të tyre nga tërmeti i 21 shtatorit.

Me vendimin që u miratua në datë 3 dhjetor në Këshillin Bashkiak të Tiranës, bashkia do të mundësojë 1 vit qera falas edhe për të gjithë të prekurit nga tërmeti i fundit i 26 nëntorit në qarkun e Tiranës.

Praktikisht me fonde të qytetarëve të Tiranës, Bashkia e Tiranës, do paguajë dëme të shkaktuara jo nga tërmeti, por nga ndërtuesit e godinave.

Ndaj në emër të solidaritetit, qytetarët e Tiranës mund të falin përdorimin e jashtëzakonshme të fondeve të buxhetit të Bashkisë, por nuk kanë asnjë motiv që të amnistojnë shkaktarët e dëmeve.

Opinioni publik se fundmi është mjaft i sensibilizuar dhe ka kuptuar qartë që nuk vret tërmeti, por vrasin godinat. Godinat nuk i ndërtojnë qytetarët e thjeshtë. Ato i kanë ndërtuar firmat ndërtuese dhe pas firmave ka gjithmonë emra të perveçëm.

Shqipëria që prej më shumë se 15 vitesh ka zgjeruar konceptin e Kodit Penal për fajësinë dhe me dispozita të Kodit Penal parashikohet përgjegjësia penale edhe për personat juridik, jo vetëm për shtetasit.

Në çdo rast kur Bashkia konstaton dëm që duhet dëmshperblyer, ka fajtorë që kanë shkaktuar dëmin. Ky tërmet dëshmoi se godina të ndërtuara brenda stantarteve inxhinierike, nuk pësuan asgjë. Ndaj Bashkia e Tiranës, sa herë miraton lista personash përfitues dëmshpërblimi duhet të listojë emrat e firmave ndërtuese dhe ndërtuesve, godinat e të cilëve kanë shfaqur dëme të atij niveli që kanë detyruar Bashkinë të perdore fondet publike.

Sanksionet për këta ndërtues në nivel administrativ i ka në dorë më pas vetë Bashkia (e Tiranës dhe jo vetëm), sa herë që këta ndërtues nga aplikimet për leje të tjera. Bashkia ne vend të emëtimit të listave me përfitues mund të kishte detyruar firmat ndërtuese që të korrigjonin gjendjen ME FONDET E VETA. Deri atëherë t’u refuzohet çdo leje ndërtimi për shkak të “çertifikatës” që ju dha tërmeti si shkaktarë dëmësh për shtetasit.

Më tej Bashkia e Tiranës duhet të shpalle kriteret e përzgjedhjes së pallateve, banorët e të cilëve po dëmshpërblehen.

Në listat e publikuara (deri tani janë 500 emra), ka pallate në njësi të ndryshme administrative të Tiranës. Kjo do të thotë që lista sot është shteruese? Do vijojë me të tjera pallate?

Çfarë dëmi ka pësuar pallati për shembull ku banon Ilir Panda, i cili është edhe kandidat për Gjykaten e Lartë??? Cili është kriteri që po ndjek Bashkia për të perzgjedhur të dëmtuarit që i paguan me fonde publike? Ka rradhë, apo zgjidhet kandidati më i fortë?

Sa i dëmtuar duhet të jesh që të përfitosh dëmshperblim nga Bashkia?

Dhe me llogjikën e fillimit, arrihet shpejt tek pyetja:

Po ndërtuesi i pallatit të Ilir Pandës si quhet???

Nese ka dëmshpërblim, dmth dikush ka shkaktuar DËM.

Dhe demin nuk e shkaktoi tërmeti. Sepse tërmeti ishte kudo njësoj.

Pra atje ku pati dëm, ishte dëm i ndërtuesit.

Sot duhet transaparencë për ndërtuesit, që edhe nëse Bashkia i fal, shqiptarët të mendohen mirë në të ardhmen përpara se të lidhin kontrata me ta e tu besojnë pas kësaj jeteën e fëmijëve.

Vetëm nëse gjithë boriet që po bien nga zyrat e shtetit, nuk po përgatisin siparin e fronteve të reja të punës për të njëjtët ndërtues. Dhe shifra sa vjen dhe po fryhet. Në fund të fundit do duhet të bëhen sërish tendera./ CNA.al