web counter
LEXO PA REKLAMA!

SHKARKO APP

App Store
Google Play

Tragjedi në Durrës/ Shtatë anëtarë të një familje nën rrënoja, shpëtohet një prej tyre

26 Nëntor 2019, 08:59, Kronika CNA

Shqipëria po kalon orët më të vështira pas tërmetit 6.3 ballë që goditi vendin, në orët e para të mëngjesit të sotëm.

Tërmeti ka shkaktuar shtatë të vdekur, qindra të plagosur ndërsa shumë të tjerë mbeten ende nën rrënoja, ku situata më e rëndë paraqitet në Durrës.

Ndërkohë, në një raportim për News 24, gazetarja Klodiana Lala bëri të ditur se shtatë anëtarë të një familje në Durrës dyshohet se kanë mbetur nën rrënojat e një vile tre katëshe, e cila është shembur.

Sipas gazetares Lala, nga tetë anëtarë që ka kjo familje, vetëm njëri është konfirmuar që është gjallë dhe është transportuar drejt spitalit, ndërsa ende nuk dihet asgjë për shtatë të tjerët.

?Nga tetë anëtarë të kësaj familje, vetëm një ka dalë gjallë dhe është nisur drejt spitalit. Për shtatë të tjerë nuk ka ende asnjë konfirmim. Ka pasur shembje të vazhdueshme duke pamundësuar hyrjen e ekipeve të kërkim shpëtimit.

Ndërkohë, asnjë nga familjarët nuk ka kërkesa për ndihmë gjë që shton dyshime për viktima duke rënduar bilancin e kësaj tragjedie?-tha ndër të tjera Klodiana Lala.





Lajmet e fundit nga