web counter
LEXO PA REKLAMA!

SHKARKO APP

App Store
Google Play

“Tërmeti më i fuqishëm ndër dekada”/ Situata në Shqipëri jehonë në mediat ndërkombëtare

26 Nëntor 2019, 08:14, Kronika CNA

Mediat ndërkombëtare ditën e sotme kanë raportuar situatën e rëndë pas tërmetit të fortë që goditi Shqipërinë në orët e para të mëngjesit.

Në mediat italiane ka qenë lajmi kryesorë, duke treguar me foto dhe video situatën me të cilën po përballet vendi ynë.

Corriere Della Sera shkruan se ?Mediat shqiptare raportojnë për dëme të shumta në ndërtesa dhe dhjetëra njerëz që mbërrijnë në spital me fraktura dhe lëndime të tjera. Shumë ndërtesa u rrëzuan në Durrës, përfshirë një hotel me pesë kate. Janë regjistruar tashmë edhe tri viktimat e para që janë tre shtetas të Kurbinit, në veri të Tiranës, ku një burrë humbi jetën ndërsa ai në panik e sipër u hodh nga ballkoni i shtëpisë së tij, ndërsa dy gra vdiqën nën rrënojat e disa ndërtesave të shembura.

Viktima e katërt është një njeri i gjetur nën rrënojat e një ndërtese të shembur në qytetin e Durrësit.Tronditja u ndje edhe në Itali dhe në veçanti në Salento. Nga Leçe në Otranto në Taranto, nga Maglie në Taviano dhe nga Copertino në Tricase, shumë njerëz u zgjuan në mes të natës nga lëvizja e tokës dhe dolën në rrugë. Kaq shumë frikë, por për momentin nuk ka raportime për dëme në Puglia. ?Ne kemi aktivizuar Njësinë e Krizave të Ministrisë së Jashtme, ne jemi duke monitoruar situatën për të kuptuar nëse ka qytetarë italianë të përfshirë në tërmet në Shqipëri, ?tha Ministri i Jashtëm Luigi Di Maio?.

Po ashtu, tërmeti në Shqipëri ka qënë kryefjalë edhe në media të tjera ndërkombëtare, si DË, EuroNeës, etj, të cilat e kanë cilësuar si tërmetin më të fuqishëm ndër dekada.





Lajmet e fundit nga