web counter
LEXO PA REKLAMA!

SHKARKO APP

App Store
Google Play

Gjermania solidarizohet me Shqipërinë/ Skuadrat e shpëtimit gati për ndihmë

26 Nëntor 2019, 17:59, Kosova & Bota CNA

Solidarizimi me Shqipërinë e tronditur nga tërmeti është i madh. Gjermania e ka ofruar ndihmën e saj për të dërguar skuadra shpëtimi,

Zedhenesi i qeverise gjermane Steffan Seibert postoi në rrjetin social  twitter:

“Jemi me mendje te viktimat e tërmetit të rëndë në Shqipëri dhe vendet fqinje. Gjermania ka ofruar ndihmën e saj. Një ekip i Agjencisë Federale të Ndihmës Teknike (THW) është në gatishmëri për të mbështetur Shqipërinë në kuadër të strukturës së BE-së në përgjigje të krizave”.

Sipas THW-së në gatishmëri është Njësia e shpëtimit të shpejtë për jashtë (SEEBA). ?Nëse SEEBA do të thirret për ndihmë, këtë e vendos Shqipëria,”  i tha  “Deutsche Welles” të martën një zëdhënës i THW-së.

Njësia e shpëtimit të shpejtë për jashtë (SEEBA) përbëhet nga gjithsej 70  ndihmës  që mobilizohen brenda gjashtë orësh. Njësia është e specializuar në gjetjen e personave të fshehur nën rrënoja duke vënë në përdorim qentë e zbulimit ose mjete teknike.

Ndërkohë edhe ministri gjerman i Evropës, Michael Roth, ka shprehur nëpërmjet një mesazhi në Twitter solidarizimin e tij me popullin shqiptar.

“Mendimet e mia dhe solidaritet i sinqertë me njerëzit në Shqipëri që u goditën nga një tërmet i tmerrshëm?, shkroi politikani socialdemokrat.

Ndërkohë një aktivitet i përbashkët i ambasadës së Kosovës dhe ambasadës së Shqipërisë në Berlin që do të zhvillohej ditën e mërkurë, në prag të festave kombëtare të Shqipërisë, është anuluar me kërkesë të Shqipërisë.

 





Lajmet e fundit nga