E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Emërohet shefi i ri i Agjencisë së Zbulimit/ Vetëvendosja: Antikushtetues

25 Nëntor 2019, 18:02, Kosova & Bota CNA

Presidenti i Kosovës, Hashim Thaçi dhe kryeministri në largim, Ramush Haradinaj, emëruan të hënën Kreshnik Gashin në postin e drejtorit të Përgjithshëm të Agjencisë së Zbulimit të Kosovës.

Po të hënën ata emëruan edhe Burim Ramadanin në postin e inspektorit të përgjithshëm të kësaj agjencie.

Në një postim në rrjetet sociale kryeministri në largim Ramush Haradinaj shkroi se ?profilet e të emëruarve, si figura publike me integritet dhe ekspertë për siguri, garantojnë profesionalizmin dhe kredibilitetin e AKI-së?.

Kreshnik Gashi, që nga viti 2015 ishte drejtor i bordit te Autoritetit Rregullativ të Komunikimeve Elektronike dhe Postare të Kosovës, ndërsa Burim Ramadani, ishte zëvendësministër i mbrojtjes

Emërimet e sotme pasuan dorëheqjen e drejtorit të Agjencisë së Zbulimit, Shpend Maxhuni, më 6 nëntor rreth një vit e gjysmë pasi që ishte emëruar në atë post.

Lëvizja Vetëvendosje reagoi në orët e pasdites ndaj emërimeve duke paralajmëruar trajtimin e tyre nga Gjykata Kushteteuse.

?Propozimi nga Haradinaj dhe dekretimi nga Thaçi për të dy këto pozicione është përveç të tjerave dhe antikushtetues. Në dy drejtime, sepse ish-kryeministri s’mund ta ushtrojë këtë kompetencë e Presidenti s’mund të dekretojë propozime nga një ish-kryeministër. Propozimet janë po ashtu emërime politike. I pari, ish-vartës i Hashim Thaçit në MPJ, u emërua si drejtor i AKI-së pasi që dështoi t’i mbrojë numrat e Z-mobile nga pozitat e drejtorit të bordit të ARKEP-it. I dyti u emërua kryeinspektor pasi dështoi të bëhej deputet i AAK-së, i cili mbahet mend për ankesat e tij rreth vjedhjes së votave që iu bënë nga brenda subjektit të tij. Duket se ky emërim ishte dhe rehatomi i tij?, thuhet në një njoftim të kësaj lëvizjeje, ndërsa nënvizohet se ?sigurisht që me t’u konstituuar institucionet ky vendim antikushtetues do të adresohet për këtë shkelje të rëndë e paprecedent?.