web counter
LEXO PA REKLAMA!

SHKARKO APP

App Store
Google Play

Meta takim me Gent Ibrahimin/ Diskutime për SPAK dhe garën për kryeprokuror

20 Nëntor 2019, 16:33, Politikë CNA

Presidenti Ilir Meta ka zhvilluar pasditen e sotme një takim me Kryetarin e Këshillit të Lartë të Prokurorisë, Gent Ibrahimi. Takimi mes palëve u bë pas kërkesës së kreut të KLP.

Përmes një njoftimi publik, Presidenca bën me dije se në takim, Ibrahimi “informoi Kreun e Shtetit për hapat e mëtejshëm dhe koordinimin ndërmjet të gjithë institucioneve të përfshira në procesin e konstituimit të Prokurorisë së Posaçme”, ndërkaq Meta, pavarësisht rezervave  shprehu mbështetjen e tij për përmbylljen me sukses të ngritjes së SPAK.

“Presidenti i Republikës SH.T.Z Ilir Meta priti sot në një takim Kryetarin e Këshillit të Lartë të Prokurorisë, z.Gent Ibrahimi, me kërkesën e këtij të fundit.

Kryetari i Këshillit të Lartë të Prokurorisë e informoi Kreun e Shtetit për hapat e mëtejshëm dhe koordinimin ndërmjet të gjithë institucioneve të përfshira në procesin e konstituimit të Prokurorisë së Posaçme.

Presidenti Meta e siguroi z.Ibrahimi për mbështetjen e pa kursyer në përmbylljen me sukses të procesit të ngritjes së Prokurorisë së Posaçme (SPAK).

Presidenti Meta i bëri me dije Kryetarit të KLP-së, se pavarësisht rezervave që ai ka patur në lidhje me zgjedhjen antikushtetuese të Prokurorit të Përgjithshëm të Përkohshëm dhe vonesat në krijimin e këtyre institucioneve të reja, do të mbështesë maksimalisht këtë proces në mënyrë që këto organe kaq të rëndësishme të drejtësisë penale të jenë sa më shpejt funksionale dhe që procedura e konstituimit të tyre të kryhet brenda një kohe sa më shpejt të jetë e mundur.

Në këtë drejtim Presidenti i Republikës do të përmbushë çdo detyrim që do t?i kërkohet sa më parë të jetë e mundur në përputhje me ligjin dhe frymën e Kushtetutës”, thuhet në njoftimin e Presidencës. /CNA.al





Lajmet e fundit nga