web counter
LEXO PA REKLAMA!

SHKARKO APP

App Store
Google Play

E fundit!

x

"Lirimi i Suel Çelës, drejtësia e pafuqishme"/ PD: Kriminelët e pushtetit, të paprekshëm

20 Nëntor 2019, 15:55, Politikë CNA

Partia Demokratike ka reaguar pas lirimit të Suel Çelës nga Krimet e Rënda. Në një deklaratë për mediat, PD shprehet se lirimi i Çelës është provë që me Ramën në qeveri drejtësia nuk është e lirë të ndëshkojë krimin.

?Kriminelët e pushtetit, ata që blejnë vota për karrigen e Edi Ramës janë të paprekshëm!?, thuhet në deklaratën e PD-së.

Suel Çela arriti të merrte pafajësinë 2 vite nga përplasja me policinë tek tregu agro ushqimor në Elbasan, ku një mjet i blinduar goditi makinën e policisë.

Derklarata e PD-së:

Shpallja i pafajshëm i banditit të rrezikshëm të Elbasanit Suel Çela, shërbëtor i pushtetit të Edi Ramës,  provoi në mënyrë të përsëritur se me Edi Ramën në qeveri drejtësia nuk është e lirë të ndëshkojë krimin.

Mesazhi që iu dha sot shqiptarëve është se kriminelët e pushtetit, ata që blejnë vota për karrigen e Edi Ramës janë të paprekshëm!

Kur kriminelët vjedhin zgjedhjet për Edi Ramën, kur bëjnë drogë me lejen e pushtetit të Edi Ramës, kur godasin policinë dhe e çnderojnë atë me mbrojtjen e Edi Ramës, drejtësia është e pafuqishme të bëjë drejtësi.

Duke shpallur të pafajshëm kriminelët e pushtetit, rrëzohet çdo iluzion për drejtësinë e pavarur. Të gjithë e kanë mësuar se drejtësia është plotësisht në dorën e Edi Ramës dhe të krimit.

Vendi ka nevojë jetike për ndarjen e politikës nga krimi, ka nevojë për zgjedhje të lira, të pandikuara nga kriminelët, si dhe për një qeveri të re, që e ka fatin të lidhur me qytetarët dhe jo me kriminelët./CNA.al





Lajmet e fundit nga