web counter
LEXO PA REKLAMA!

SHKARKO APP

App Store
Google Play

E fundit!

x

"I kujt është faji?"/ 193 viktima nga 5700 aksidente, flasin ekspertët

20 Nëntor 2019, 22:21, Politikë CNA

Numri i madh i aksidenteve në Shqipëri, me rreth 193 viktima për 2019, ka ngjallur debatin se i kujt është faji, infrastrukturës jo e mirë, policisë rrugore apo i papërgjegjshmërisë së drejtuesve të mjeteve. Ndërkohë, që po diskutohej në lidhje me këtë temë në studion e emisionit ?Opinion?, personat e pranishëm në panel kanë mbajtur qëndrime të ndryshme.

Për ekspertin rrugor Fatmir Hasho, ? 99 % e fajit është i drejtuesve të mjeteve pasi përgjegjshmëria dhe edukata e tyre, -thekson ai- në lidhje me respektimin e rregullave të qarkullimit rrugor është zero?.

Të njëjtën gjë ka theksuar edhe eksperti i automobilizmit, Eno Zeneli, i cili shprehet se nëse shikon telefonin dhe rrjetet sociale në vend të rrugës, ky bëhet shkak aksidenti.

?Nëse je në autostradë dhe shikon Instagramin, kjo është faji i shoferit. Nëse ke një makinë 30 vjeçare, ti bën një gabim dhe kjo është fatale. Një makine e re, me 5 yje sigurie ?fal? shoferin. Një makinë Euro 6 e ruan dy herë më shumë këmbësorin se sa një makinë Euro 4. Kanë shumë probleme rrugët?, shprehet Zeneli.

Referuar kësaj problematike, teksa publikon statistikat me rreth 193 viktima nga 5700 aksidente të ndodhura deri tani, shef i sektorit të sigurisë rrugore, Skënder Ismailaj, ka theksuar se policia është duke bërë punën e saj dhe se shumica e ngjarjeve janë për shkak të gabimit të drejtuesve të mjeteve dhe këmbësorëve.

?193 persona kanë humbur jetën, deri në ditën sotme. Aksidentet rrugore, sot konsiderohen një epidemi në shoqëri. Në totalin e ngjarjeve rrugore, nëse i marrim gjithçka numrin më të mëdha e zënë gabimet e përdoruesve të rrugëve, nga këmbësorët dhe drejtuesit e mjeteve. Numrin më të madh e shkaktojnë drejtuesit e mjeteve, kemi 2276 raste të përdorimit të pijeve alkoolike?, ka thënë Ismailaj./CNA.al





Lajmet e fundit nga