web counter
LEXO PA REKLAMA!

SHKARKO APP

App Store
Google Play

Këshilltari i Metës kërkon fond për dixhitalizimin/ Fino: Jeni të përkëdhelurit e Financave

19 Nëntor 2019, 11:30, Politikë CNA

Këshilltari i presidencës Petraq Milo ka marë pjesë sot në Komisionin e Ligjeve ku foli për nevojat e financimeve nga buxheti i shtetit.

Milo u shpreh se ka dy vite që Presidencës që nuk i miratohet fondi për menaxhimin dixhital.

“Buxheti i këtij viti është 252.3 milionë lekë. Shpenzime për personel 123 milionë. Kërkesat tona plotësohen vetëm ka dy vite që nuk na miratohet fondi prej 36 milionë lekë për menaxhimin dixhital një projekt në Presidencë. Investimet janë realizuar në 47%, gjithsesi ne kemi investime në proces dhe na rezulton që ky fond do të ezaurohet. Fundviti është me ngarkesë më të lartë dhe institucioni i presidencës do ta ezaurojë”, u shpreh Milo.

Lidhur me kërkesën e Milos ka reaguar deputeti i PS, Bashkim Fino i cili u shpreh se ata të presidencës janë të përkëdhelurit e Financave.

”Ju jeni të përkëdhelurit e Financave keni shumë rritje buxhetore krahasuar me 2019. Ministria e Financave ka dhënë cdo vit për presidencën 6 milionë investime Zoti Milo keni 6 milionë lekë investime për 2019 dhe keni realizuar 1.6 milionë lekë. Gjynah që nuk ua japim institucioneve të tjera. E mbështesim kërkesën tuaj për projektin e dixhitalizimin, dhe besoj se që nga viti i ardhshëm duhet të japim të paktën 10 milionë. Buxheti i 2020 është i mjaftueshëm për Presidencën” u përgjigj Bashkim Fino.





Lajmet e fundit nga