web counter
LEXO PA REKLAMA!

SHKARKO APP

App Store
Google Play

Basha flet pas takimit me Metën/ Tregon të vetmen rrugë për daljen nga kriza

19 Nëntor 2019, 10:54, Politikë CNA

Kryetari i Partisë Demokratike, Lulzim Basha në një prononcim për mediat pas takimit që ka zhvilluar me presidentin tha se me Metën kanë diskutuar në lidhje me ndërhyrjen, sipas tij flagrante të Ramës në procesin e emërimit të anëtarëve të Gjykatës Kushtetuese.

?Kemi diskutuar për ndërhyrjen flagrante të Ramës në procesin e emërimit të anëtarëve të Gjykatës Kushtetuese.

Ka fakte tronditëse, që tregojnë se si qëlllimi kryesor i Ramës është kapja e Reformës në Drejtësi, e në veçanti të Gjykatës Kushtetuese.

PD dhe alëatet e kanë cilësuar që në fillim si grusht kushtetues dhe një provë më shumë se me këtë qeveri Reforma në Drejtësi është e dështuar.

Drejtësia e pavarur dhe që lufton politikanët e lidhur me krimin është një iluzion.?-tha Basha.

Më tej, ai ka ritheksuar se e vetmja mënyrë për të dalë nga kriza është zhvillimi i zgjedhjeve të parakohshme parlamentare dhe zgjedhje vendore kushtetuese, në të njëjtën ditë.

?Çështja e dytë që kemi diskutuar është domosdoshmëria për zgjidhjen e krizës poltike, e shtruar kjo edhe nga ndërkombëtarët, vecanërisht nga Bundestagu gjerman dhe partnerët tanë strategjikë.

Prej më shumë se dy muajsh opozita ka shpehur gatishmërinë për të dialoguar për reformën zgjedhore me ndërmjetësim ndërkombëtar. Por, Rama e ka refuzuar.

Opozita as ka kërkuar dhe as nuk mbështet shtyrjen për kalendat greke të Reformës Zgjedhore.

Ne do të publikojmë amdanamentet përkatëse për Reformën Zgjedhore, ndërkohë që nga ana tjetër kemii pasur vetëm sabotim dhe refuzim të dialogut. Ne nuk mund ta pranojmë këtë. Propozimet do jenë gati jo më vonë se fillimi i dhjetorit.

E vetmja zgjidhje për daljen nga kriza është zhvillimi i zgjedhjeve të parakohshme parlamentare dhe zgjedhje vendore kushtetuese në të njëjtën ditë?-u shpreh Basha./ CNA.al





Lajmet e fundit nga