"Videoja kompromentuese, shantazh i Presidencës"/ Artan Hoxha: Prokuroria të nis hetimet

18 Nëntor 2019, 21:44, Politikë CNA

Deklarata e zëdhënësit të presidentit, Tedi Blushi, se presidenca disponon video dhe fakte që implikojnë kreun e KED, Ardian Dvorani, dhe qeverinë në afera korruptive në lidhje me përzgjedhjen e anëtarëve të Gjykatës Kushtetuese, kanë tërhequr vëmendjen ditën e sotme.

I ftuar në studion e ?Opinion?, teksa komentonte këtë çështje, gazetari investigativ i kronikës së zezë, Artan Hoxha, është shprehur se e gjitha kjo është shantazh që po bëhet, pasi nëse do të ekzistonin prova dhe fakte, apo një video, sikurse pretendohet nga presidenca, atëherë këto duhet të ishin dorëzuar në Prokurori.

?Nëse ka prova që po shkelet Kushtetuta dhe institucionet më të rëndësishme të vendit, nga Dvorani apo kryeministri Rama, atëherë kjo çështje duhet të hetohet nga Prokuroria dhe këta 2 persona duhet të merren menjëherë në përgjegjësi penale?, ka thënë ndër të tjera Artan Hoxha.

?Presidenca po thotë aty qartësishtë se Institucioni i presidencës ka prova që është shkelur Kushtetuta dhe po shkelen institucionet më të rëndësishme të vendit.

Zëdhënësi i Metës, Tedi Blushi, flet aty si përfaqësues i presidencës shqiptare, në këtë mënyrë ai duhet të merret në pyetje nga prokuroria përsa i përket këtyre videove dhe fakteve që ata posedojnë. Në këtë rast unë uroj që baba Takut të mos i ketë mbetur çanta gjëkundi. Kjo është akuza e dytë brenda një kohe shumë të shkurtër dhe në qoftë se është shkelur me të vërtetë Kushtetuta, dhe nëse mbas kësaj fshihet mazhoranca dhe Kryeministri i këtij vendi, këto të dhëna duhet të vihen para organit të akuzës me qëllim që Dvorani apo Rama të merren menjëherë në përgjegjësi penale. Për mua me kjo që po thuhet është shantazh, sepse në qoftë se janë provat atëherë duhet t?i referohen Prokurorisë dhe merret kjo e fundit me këtë çështje.

Nëse autoriteti i këtij shteti kaq shumë saqë mazhoranca apo kryeministri i fusin duartë edhe tek Gjykata Kushtetuese dhe Presidenti disponon prova dhe fakte dhe nuk ia paraqet ato Prokurorisë, atëher si pritet ta zgjidhin një gjë të tillë??, është shprehur Artan Hoxha./CNA.al