web counter
LEXO PA REKLAMA!

SHKARKO APP

App Store
Google Play

E fundit!

x

“Dvorani ka kryer akt mafioz”/ Meta akuza te forta kreut të KED: Ka marrë vendime në mënyrë individuale

15 Nëntor 2019, 14:47, Politikë CNA

Presidenti Ilir Meta u shpreh se kreu i KED, Adrian Dvorani ka kryer një akt mafioz lidhur me listat e renditjes së kandidatëve të Gjykatës Kushtetuese.

Sipas Metës, këto lista Dvorani i ka dërguar një javë me vonesë në Kuvend duke mos dhënë sqarime për vonesën prej një jave.

?Dvorani i ka përcjellë listat në adresë të presidentit për plotësimin e vakancave në 8 tetor.
Nuk rezutoi që KED të ketë marrë ndonjë vendim në mënyrë kolegjiale për kohën e dërgimitë listave.
Ky veprim është bërë në mënyrë individuale nga kryetari i KED. Kryetari i KED informon presidentin se ka përcjellë dhe dorëzuar listat përfudnimtare të rendisjes së kandidatëve njëherazi.

I ka miratuar në një ditë dhe zotëria në vend që të respektojë kronologjinë sipas Kushtetutës, presidentit ja dërgon më parë dhe Kuvendit ja dërgon atë ditë që presidenti e pyet: Po kuvendit ja ke dërguar?

Kryetari i KED në datën 14 tetor, pas 6 ditëve të dërgimit të listave tek presidenti ka dërguar listat në Kuvend. Në aktet e dërguara nuk paraqitet asnjë e dhënë pse janë dërguar dy lista njëherazi tek presidenti dhe cilat janë shkaqet e vonesës me një jave diferencë pranë Kuvendit?, u shpreh Meta gjatë konferencës për shtyp./CNA.al





Lajmet e fundit nga