web counter
LEXO PA REKLAMA!

SHKARKO APP

App Store
Google Play

E fundit!

x

Dokumentet që nxjerrin zbuluar Rilindjen/ Dvorani votoi për pafajësinë e Metës

15 Nëntor 2019, 12:56, Politikë CNA

Ditët e fundit në qendër të debateve politike është kaosi i krijuar në Gjykatën Kushtetuese.

Presidenti Ilir Meta ka pasur një përplasje të fortë me Këshillin e Emërimeve në Drejtësi, në lidhje me emërimin e Arta Vorpsit anëtare të Gjykatës Kushtetuese, gjë që ka sjellë një situatë të pazakontë. Nga ana tjetër në të njëjtin pozicion, presidenti Meta ka dekretuar Marsida Xhaferllarin.

Por, ndërkohë në drejtim të kreut të Këshillit të Emërimeve në Drejtësi, Ardian Dvorani ka pasur një sërë akuzash kryesisht nga presidenti Ilir Meta, por edhe nga ish-kryeministri Sali Berisha.

Por, Rilindja tani sulmet dhe akuzat ndaj Ardian Dvoranit po tentojnë t?i devijojnë duke argumentuar se Ardian Dvorani është njeriu që ka dashur të dënojë Ilir Metën, në lidhje me akuzat për korrupsion, në rastin e video-përgjimit të publikuar në vitin 2011, nga ish-ministri i ndjerë Dritan Prifti.

Në atë kohë, trupa gjykuese e Gjykatës së Lartë, e kryesuar nga Ardian Dvorani i dha pafajësinë Metës, por Rilindja pretendon se Dvorani ishte i vetmi gjyqtar që kërkonte dënimin e Metës.

Në fakt Ardian Dvorani është një ish-gjyqtar i kohës së diktaturës që në çështjen e Ilir Metës ka votuar njëlloj si gjyqtarët e tjerë megjithëse kazani i Rilindjes kërkon ta nxjerrë si shenjtor apo si heroin e asaj çështjeje.

CNA.al po sjell si faks-mail, tre dokumente, trupën gjykuese dhe dokumentet që tregojnë sesi ka votuar dhe çfarë qëndrimi ka mbajtur Ardian Dvorani.

Dokumentet e mëposhtme tregojnë qartë se është gënjeshtër ajo që pretendon Rilindja dhe kazani i saj, se Ardian Dvorani ka qënë për dënimin e Ilir Metës. Kjo nuk është e vërtetë. Ardian Dvorani, ashtu si dhe anëtarët e tjerë ka qënë pro që Ilir Meta të dalë i pafajshëm./ CNA.al





Lajmet e fundit nga