web counter
LEXO PA REKLAMA!

SHKARKO APP

App Store
Google Play

E fundit!

x

Dyshohet se e nxori në pritë tek vrasësit/ Vetëdorëzohet në polici shoku i Eri Zefit

12 Nëntor 2019, 08:56, Kronika CNA

Vetëdorëzohet në polici Gjovalin Aliaj i cili ishte shpallur në kërkim si bashkëpunëtor për vrasjen e Eri Zefit në Mirditë.

Alia ishte shok fëmijërie me viktimën por hetimet e organeve kompetente dyshohet se  ka qenë pikërisht ai që ka nxjerrë në pritë 34-vjeçarin tek personat që e ekzekutuan.
Sipas policisë dyshohet se shoku i fëmijërisë këtë e bëri kundrejt një shume parash, duke e nxjerrë nga shtëpia viktimën, falë skenarit që kishin bërë gjaksit.

34 vjeçari, Eri Zefi u gjet i vdekur në një kanal në fshatin Zall-Xhuxhë të Mirditës. Ai u ekzekutua me 6 plumba, 4 prej të cilëve e kanë kapur në kokë ndërsa 2 të tjerët në gjoks. Në trupin e viktimës u konstatuan shenja dhune./CNA.al

Njoftimi i policisë:

Në vijim të veprimeve për zbardhjen e ngjarjes së ndodhur në Fan, Mirditë, ku mbeti i vrarë me armë zjarri shtetasi E. R., ju informojmë se:

Si rezultat i punës hetimore të kryer nga grupi i posaçëm hetimor, nën drejtimin e Prokurorisë së Rrethit Gjyqësor Lezhë, u bë i mundur identifikimi dhe shpallja në kërkim e autorit të dyshuar të kësaj ngjarjeje.

Policia, në vijim dhe pa ndërprerë, ushtroi kontrolle të shumta dhe përdori metodat speciale të hetimit për të bërë të mundur kapjen e autorit.

Njëkohësisht, grupi i posaçëm hetimor negocioi me familjarët e autorit të dyshuar që t?i dorëzohej organeve të drejtësisë.

Sot, nga Policia e Lezhës u bë ndalimi i shtetasit M.(Gj.).A., i dyshuar për veprat penale “Vrasja me paramendim, e kryer në bashkëpunim” dhe “Armëmbajtja pa leje?.

Materialet iu referuan Prokurorisë pranë Gjykatës së Shkallës së Parë Lezhë, për veprime te mëtejshme.





Lajmet e fundit nga