web counter
LEXO PA REKLAMA!

SHKARKO APP

App Store
Google Play

E fundit!

x

Agim Kajmaku në kërkim/ Prokuroria firmos urdhër arrestin   

11 Nëntor 2019, 12:04, Kronika CNA

Prokuroria ka firmosur urdhër arrestin për ish-kryebashkiakun e Vorës Agim Kajmakun.

Mësohet se policia ka shkuar në banesën e Kajmakut, por nuk e ka gjetur.

Kujtojmë këtu se disa ditë më parë KQZ i hoqi Kajmakut mandatin e Kryebashkiakut.

Kajmaku u akuzua fillimisht nga opozita se kishte qenë i ndaluar në Greqi, në Janar të vitit 2003 nën emrin Jorgo Toto.

“Prokuroria pranë Gjykates së Shkallës së Parë Tiranë, ka shpallur në kërkim me masë sigurimi “arrest me burg”, në lidhje me hetimin që po zhvillohet  në ngarkim të shtetasit Agim Kajmaku, i dyshuar për kryerjen e veprave penale, të “Shpërdorimit të detyrës”,  “‘Falsifikimi i formulareve” dhe ushtrimi i funksioneve pas dhënies fund të detyrës”, parashikuar nga nenet 248, 190 dhe 249 të Kodit Penal. Kjo masë sigurimi është dërguar për ekzekutim në polici.?-thuhet në njoftimin e prokurorisë.

Ndërkohë disa ditë më parë, Prokuroria e Përgjithshme njoftoi se ?Zyra Qendrore e Kombëtare e INTERPOL Tiranës, me shkresën Nr. 10709/6, datë 24/09/2019; ka sqaruar se nga informacioni i marrë nga zyra homologe INTERPOL Athinë rezulton se nga krahasimi i gjurmëve të gishtërinjve të shtetasit Agim Kajmaku, me gjurmët e gishtërinjve që ndodhen në databazen e të dhënave kriminale në Greqi ka përputhshmëri të plotë me ato të shtetasit Jorgo Toto?.

Po sipas Prokurorisë, ishte provuar gjithashtu dhe nga verifikimet e vetë autoriteteve shqiptare se Agim Kajmaku dhe Jorgo Toto janë i njejti person./ CNA.al





Lajmet e fundit nga