web counter
LEXO PA REKLAMA!

SHKARKO APP

App Store
Google Play

E fundit!

x

Pa patentë dhe nën efektin e alkoolit/ Arrestohet shoferi i aksidentit me dy viktima në Tiranë

10 Nëntor 2019, 17:04, Kronika CNA

Është arrestuar shoferi 18 vjeçari i cili drejtonte automjetin në të cilin humbën jetën dy 17 vjeçare mëngjesin e sotëm në Bërzhitë të Tiranë pas festës së ditëlindjes.

Sipas policisë, 18-vjeçari me inicialet  F.Sh u arrestua nën akuzat e drejtimit të parregullt të mjetit dhe për shkeljen e rregullave të qarkullimit ligjor.

Nga verifikimi i dokumentacionit, ka rezultuar se 18-vjeçari drejtonte automjetin i pa pajisur me Leje Drejtimi të grupit ?B? dhe nën efektin e alkoolit.

Njoftimi i policisë:

Tiranë

Lidhur me aksidentin e ndodhur në aksin e vjetër rrugor Elbasan-Tiranë, ku humbën jetën dy shtetase, në përfundim të veprimeve hetimore nga Seksioni i Hetimit të Aksidenteve Rrugore, në Komisariatin Rajonal të Policisë Rrugore Tirane, u arrestua në flagrancë për veprat penale ?Shkelja e rregullave të  qarkullimit rrugor ? dhe ?Drejtim i mjetit në mënyrë të parregullt?, shtetasi F. SH.,18 vjeç banues në Bërzhitë.

Arrestimi i këtij shtetasi u krye, pasi më datë 09.11.2019, rreth orës 23.30?, në rrugën e vjetër Elbasan-Tiranë, në fshatin Berzhitë, duke drejtuar automjetin tip ?Alfa Romeo?, ka humbur kontrollin e mjetit duke dalë nga rruga e më pas është përplasur me një pemë.

Si pasojë ndërruan jetë shtetaset D.T 17 vjeçe, dhe S.S 17 vjeçe,  ndërsa kanë mbetur të  dëmtuar  vetë drejtuesi mjetit dhe dy pasagjerët shtetasit E.A dhe O. M, të cilët ndodhen nen kujdesin mjekesor, jashtë rrezikut për jetën.

Nga verifikimi i dokumentacionit, rezultoi se drejtuesi i mjetit shtetasi F.Sh, drejtonte automjetin i pa pajisur me Leje Drejtimi të grupit ?B?.

Drejtuesi i mjetit u verifikua me aparatin alkool testues, ku rezultoi se sasia e alkooli ne frymemarrje ishte 0.17 mg/l. Materialet i kaluan Prokurorisë për veprime të mëtejshme./CNA.al

 





Lajmet e fundit nga