web counter
LEXO PA REKLAMA!

SHKARKO APP

App Store
Google Play

Debate mes Ahmetajt dhe Beqajt në Komisionin e Ekonomisë/ Rrëzohet projektligji për faljen e gjobave

6 Nëntor 2019, 11:47, Politikë CNA

Komisioni i Ekonomisë rrëzoi ligjin për faljen e gjobave nga AKU për bizneset që u kapën me mallra të skaduara.
Mbledhja në Komisionin e Ekonomisë u shoqërua me debate mes ish ministrit të Shëndetësisë Ilir Beqaj dhe ish ministrit të Financave Arben Ahmetaj.

Beqaj argumentoi projektligjin që propozoi për faljen e gjobave, duke deklaruar se bizneset janë lënë me qëllim në paligjshmëri për tu zhvatur dhe një gjë e tillë është pranuar prej vitesh në mënyrë të hështur.

Por kryetari i Komisionit të Ekonomisë, Arben Ahmetaj kërkoi mbështetjen e deputetëve për rrëzimin e ligjit të propozuar nga Beqaj, për faljen e gjobave ndaj bizneseve që u kapën me mallra të skaduara.

Sipas tij të gjithë janë të barabartë ndaj ligjit dhe kurrsesi falja e gjobave nuk mund të vijë pas një periudhe intensive aksioni kundër informalitetit lidhur me sigurinë ushqimore.

?Ligji nuk duhet të miratohet. Kërkoj mbështetjen e deputetëve. Të gjithë janë të barabartë para ligjit, përjashtimi është antikushtetues.
Mosdija në lidhje me ligjin nuk është justifikim. Kjo krijon premisa tek subjektet për moszbatim ligji. Kjo periudhë ka qenë aksion kundër informalitetit e sidomos në lidhje me sigurinë ushqimore?, u shpreh Ahmetaj.
Pas debatit deputetët votuan pro rrëzimit të këtij projektligji./CNA.al





Lajmet e fundit nga