web counter
LEXO PA REKLAMA!

SHKARKO APP

App Store
Google Play

Plumba ndaj prokurorit Ndoj/ Policia zbardh detajet

1 Nëntor 2019, 16:42, Kronika CNA

Pak pas ngjarjes së rëndë në qytetin e Durrësit, ku persona të paidentifikuar kryen atentat ndaj prokurorit Arjan Ndoj, policia ka dhënë informacionin zyrtar.

Në deklaratën e saj, Policia konfirmon edhe njëherë atentatin ndaj prokurorit Ndoj tek mbikalimi i Shkozetit në Durrës, ndërsa saktëson se nuk ka viktima por vetëm 3 të plagosur.

Po ashtu bëhet me dije se Policia është vënë në ndjekje të autorëve, po krihet zona dhe janë ngritur pika kontrolli në të gjitha akset rrugore që lidhen me Durrësin.

Informacion paraprak i policisë:

Ne aksin rrugor Durrës – Tiranë në afërsi të mbikalimit të Shkozetit, rreth orës 16:30, në afërsi të vendit të quajtur “Mbikalimi i Shkozetit” kanë qëlluar me armë zjarri në drejtim të mjetit me targa AA 333 ZD, e për pasojë janë plagosur shtetasit A.L., 48 vjeç, A.N., 44 vjeç dhe A.M., 30 vjeç.

Shtetasi A.M. është nisur për mjekim të specializuar në Spitalin e Traumës në Tiranë, ndërsa dy shtetasit e tjerë ndodhen në Spitalin Rajonal Durrës, jashtë rrezikut për jetën.

Policia e Durrësit është vënë në ndjekje të autorëve, po krihet zona dhe në të gjitha akset rrugore që lidhen me Durrësin janë ngritur pika kontrolli.

Për zbardhjen e ngjarjes  është ngritur menjëherë një grup i posaçëm hetimor nga Departamenti i Policisë Kriminale, Prokuroria e Rrethit Gjyqësor Durrës dhe Drejtoria Vendore e Policisë Durrës.

Policia e Shtetit fton këdo që mund të ofrojë informacion në ndihmë të hetimit të shpejtë të ngjarjes të telefonojë falas në numrin 112./CNA.al





Lajmet e fundit nga