web counter
LEXO PA REKLAMA!

SHKARKO APP

App Store
Google Play

E fundit!

x

Propozimi i Pendarovskit/ Samit të jashtëzakonshëm për zgjerimin e Ballkanit

26 Tetor 2019, 11:45, Politikë CNA

Presidenti i Maqedonisë së Veriut, Stevo Pendarovski ndodhet sot për një vizitë në Tiranë, ku zhvilloi edhe një konferencë të përbashkët për mediat me presidentin Ilir Meta.

Gjatë fjalës së tij, Pendarovski propozoi mbajtjen e një Samiti të Jashtëzakonshëm me shtetet e Ballkanit Perëndimor, ndërsa theksoi se mikpritëse e këtij Samiti të jetë Maqedonia e Veriut.

“U pajtuam që obligimi ynë si kryetar të shteteve është t’i inkurajojmë të gjithë faktorët politikë në shtetet tona të vazhdojnë me obligimet nga axhenda evropiane, në interes të qytetarëve tanë, dhe t’i bindim liderët evropianë se negociatat me vendet në rajon janë investim në stabilitet dhe prosperitet. Në këtë kontekst,  unë propozova që shtetet e Ballkanit Perëndimor në periudhën e ardhshme të mbajnë një samit të jashtëzakonshëm ku do të diskutojmë për marrëdhëniet ndërfqinjësore, dhe në pas kësaj edhe me alternativat e zgjerimit. Nëse ekziston dakordim për këto punë, konsideroj se Maqedonia e Veriut duhet të jetë mikpritëse e këtij samiti. Me rëndësi të madhe për ne është edhe mbështetja e deritanishme e Shqipërisë për anëtarësimin e Maqedonisë së Veriut në NATO. Duhet të drejtojmë energjinë dhe vëmendjen tonë edhe tek bashkëpunimi ekonomik, i cili nuk reflekton marrëdhëniet e mira politike, dhe faktin që jemi shtete mike dhe fqinje”, tha Pendarovski.

Më tej ai shtoi se po sot propozoi një nismë për formimin e një grupi joformal për miqësinë maqedonase shqiptare ku të takohen bashkë intelektualë të shquar, biznesmëne, përfaqësues të kulturës, të rinj, një herë në njërin shtet dhe një herë në tjetrin, për të dhënë propozime mbi bashkëpunimin mes dy vendeve fqinje.





Lajmet e fundit nga