web counter
LEXO PA REKLAMA!

SHKARKO APP

App Store
Google Play

KLP e skualifikoi nga gara për Kryeprokuror/ Ndërpritet seanca për Lulzim Alushajn

25 Tetor 2019, 07:57, Politikë CNA

Ndërpritet për 30 minuta seanca në Gjykatën e Apelit Administrativ për Lulzim Alushajn.
Alushaj kërkon kohë të njihet me provat e Këshillit të Lartë të Prokurorisë.

Gjykata Administrative e Apelit ka nisur mëngjesin e sotëm seancën e ankimimit të prokurorit Lulzim Alushaj, të cilin disa ditë më parë Këshilli i Lartë i Prokurorisë e skualifikoi nga gara për Prokuror të Përgjithshëm.

Alushaj akuzon KLP se ka mbajtur disa standarte, dhe pretendon se ka shkelur ligjin.
?Më 17 qershor kur u mbyll gara për Prokuror të përgjithshëm, duhet të ishte skualifikuar edhe kandidati tjetër Olsian Çela i cili s?kishte kaluar vettingun?, ka thënë ai.
Ndërkohë Alushaj i kërkon trupës gjykuese të kryesuar nga Kastriot Selita që ta quajë të paligjshme garën për Prokuror të Përgjithshëm. Sipas Alushajt KLP nuk ka respektuar ligjin për zhvillimin e garës.

Alushaj shprehet se diploma e tij është lëshuar në 15 qershor në vitin 2004 dhe pretendon se i plotëson 15 vite pune si jurist i spikatur.
Nga ana tjetër, përfaqësuesi i Këshillit të Lartë të prokurorisë në parashtrimin e tij thekson se zoti Çela ishte në proces rivlerësimi dhe ligji për garën për Prokurorin e Përgjithshëm nuk e pengon një kandidat prokuror që se ka kaluar vettingun që të kandidojë./CNA.al





Lajmet e fundit nga